Í greinasafni er að finna margvíslegan fróðleik um ýmislegt sem lýtur að garðyrkju. Greinaflokkar eru valdir hér að neðan. Undir hverjum flokki eru síðan fjölmargar greinar eftir ýmsa höfunda.
Góða skemmtun.
Lífið í jarðveginum lætur ekki mikið yfir sér en er ekki síður fjölbreytt og áhugavert en lífið á yfirborðinu.
Undir verndarmottu grasflatanna iðar jarðvegurinn af lífi. Undir meðalstóru fótspori geta rúmast milljónir baktería og fleiri km sveppþráða. Þar má finna þúsundir dýrategunda með aragrúa fjölda einstaklinga t.d. hundruð þúsunda þráðorma og frumdýra, tugi þúsunda stökkmora og mítla og allt að 25 ánamaðka.
Til að plöntur geti þrifist, vaxið og dafnað á eðlilegan máta þarfnast þær vatns, hita, næringar og lofts í hæfilegu magni. Jarðvegurinn sem ræktað er í er hér í lykilhlutverki. Oft er talað um eðliseiginleika og efnaeiginleika jarðvegs í þessu sambandi.
Til vaxtar og viðgangs þurfa plöntur aðgang að hæfilegu magni 16-18 frumefna.
Þörfin fyrir hvert einstakt efni er mismikil, allt frá tugum kílóa á hektara
(aðalnæringarefni) og niður í mjög takmarkað magn (snefilefni). Aðalefnin eru nitur
(N), kalí (K), fosfór (P), kalsíum (Ca), magnesíum (Ma) og brennisteinn (S).
Við skort á næringarefnum kemur fram minni vöxtur (uppskera) og oft koma í ljós
sérstök skortseinkenni, auk þess sem skortur kemur fram í efnamagni plantna.1
Grundvöllur árangursríkrar ræktunar er sú moldarblanda sem ræktað er í eða svo
kölluð rótarbeðsefni. Í rótarrýminu verður að vera nóg af vatni og næringarefnum
fyrir þær tegundir sem eru í ræktun hverju sinni.