Ólafur Jóhann Sigurðsson - Á vordegi
Grundin eignast gullinn fífil,
geislafingur hlýir strjúka
lambakóng með lítinn hnýfil,
lambagrasið rauða og mjúka.

Vappar tjaldur, vellir spói,
verpir í broki mýrispýta.
Bráðum kveikir fenjaflói
fífublysið mjallahvíta.

Bráðum mun í morgunstillu
meðan þokan kveður dranga
ljósberi hjá lágri syllu
lyfta kolli til að anga.

Blíða daga, bjartar nætur
bugðast á með tærum hyljum
eftir laut sem litlir fætur
lásu forðum berum iljum.


Rosa glauca 'Nova'
Ættkvísl   Rosa
     
Nafn   glauca
     
Höfundur   Pourr.
     
Ssp./var  
     
Höfundur undirteg.  
     
Yrki form   'Nova'
     
Höf.  
     
Íslenskt nafn   Rauðblaðarós
     
Ætt   Rósaætt (Rosaceae).
     
Samheiti  
     
Lífsform   Lauffellandi runni.
     
Kjörlendi   Sól.
     
Blómlitur   Ljós rauðbleikur.
     
Blómgunartími   Júlí til september.
     
Hæð   - 300 sm
     
Vaxtarhraði  
     
 
Rauðblaðarós
Vaxtarlag   Óþekkt upprunaár, en runninn kom fram á tilraunastöð í Öjebyn utan við Piteå, Svíþjóð. Kröftugur runni sem verður um 200 sm hár og 150 sm breiður, einblómstrandi.
     
Lýsing   Blómin hálfofkrýnd, fallega ljós rauðbleik með daufum ilm. Blómin eru með ljósari miðju og gula fræfla. Laufið er með rauða slikju.
     
Heimkynni   Yrki.
     
Jarðvegur   Léttur, meðalfrjór, vel framræstur.
     
Sjúkdómar   Ónæm fyrir kvillum.
     
Harka   Z2
     
Heimildir   Thørgersen, C.G. 1988: Synopsis of Broadleved Trees and Shrubs cultivable as Ornamentals in Boreal Sweden Umeå http://www.hesleberg.no, www.rydlingeplantskola.se/vaxter/rosor/rosor-for-det-tuffa-klimatet
     
Fjölgun   Græðlingar, sveiggræðsla, rótarskot.
     
Notkun/nytjar   Sólríkur vaxtarstaður. Harðgerð og hraust rós, nægjusöm. Hæfilegt að hafa 1 plöntu á m². Notuð í stóra garða. Rosa glauca ‘Nova’ er líklega blendingur. Vex kröftuglega og verður allt að 300 sm hár, blómviljugur. Dr. Gunnel Larson fann blendinginn í Öjebyn 1956.
     
Reynsla   Þrífst vel, kelur ekkert og blómstrar vel.
     
Yrki og undirteg.  
     
Útbreiðsla  
     
Rauðblaðarós
Rauðblaðarós
Lystigarður Akureyrar - Eyrarlandsstofa - Sími: 462 7487 - Netfang: gkb@akureyri.is