Ólafur Jóhann Sigurðsson - Á vordegi
Grundin eignast gullinn fífil,
geislafingur hlýir strjúka
lambakóng með lítinn hnýfil,
lambagrasið rauða og mjúka.

Vappar tjaldur, vellir spói,
verpir í broki mýrispýta.
Bráðum kveikir fenjaflói
fífublysið mjallahvíta.

Bráðum mun í morgunstillu
meðan þokan kveður dranga
ljósberi hjá lágri syllu
lyfta kolli til að anga.

Blíða daga, bjartar nætur
bugðast á með tærum hyljum
eftir laut sem litlir fætur
lásu forðum berum iljum.


Tilia x vulgaris
Ættkvísl   Tilia
     
Nafn   x vulgaris
     
Höfundur   Hayne
     
Ssp./var  
     
Höfundur undirteg.  
     
Yrki form  
     
Höf.  
     
Íslenskt nafn   Garðalind
     
Ætt   Lindiætt (Tiliaceae).
     
Samheiti   (T. cordata x T. platyphyllos).
     
Lífsform   Lauffellandi tré.
     
Kjörlendi   Sól-hálfskuggi og skjól.
     
Blómlitur   Gulur - hvítleitur.
     
Blómgunartími  
     
Hæð   Óvíst er hve hátt tréð verður hérlendis.
     
Vaxtarhraði  
     
 
Vaxtarlag   Lauffellandi tré sem getur náð allt að 40 m hæð. Krónan keilulaga, oftast breiðkeilulaga. Ársprotar hárlausir.
     
Lýsing   Lauf 5-9 ×4-8 sm, breiðegglaga, oddur mjókkar snögglega, grunnur skakkhjartalaga, dökkgræn og glansandi ofan, ljósari neðan og með hártoppa í æðastrengjakrikunum. Blómskúfar allt að 9 sm langir, 5-10 blóma, hangandi, stoðblöð 7-10 sm, miðrif ögn dúnhært. Aldin hálfhnöttótt til eggvala, þykk, óslétt, dálítið rifjótt.
     
Heimkynni   Evrópa.
     
Jarðvegur   Fremur rakur og frjór.
     
Sjúkdómar   Nokkuð næm fyrir ýmsum óþrifum.
     
Harka   Z3-5
     
Heimildir   = 1
     
Fjölgun   Sumargræðlingar, sáning.
     
Notkun/nytjar   Stakstæð tré, í blönduð beð.
     
Reynsla   ER ekki í Lystigarðinum 2013. Getur orðið mjög gömul erlendis (allt að 1000 ára). Fremur viðkvæm hérlendis og stutt reynsla. Nái hún einhverjum þroska þarf að ætla henni gott rými.
     
Yrki og undirteg.   Nokkur yrki í ræktun erlendis - t.d. 'Pendula' og 'Zwarte Linde'.
     
Útbreiðsla  
     
Lystigarður Akureyrar - Eyrarlandsstofa - Sími: 462 7487 - Netfang: gkb@akureyri.is