Jón Helgason - Úr ljóðinu Áfangar
Séð hef ég skrautleg suðræn blóm
sólvermd í hlýjum garði;
áburð og ljós og aðra virkt
enginn til þeirra sparði;
mér var þó löngum meir í hug
melgrasskúfurinn harði,
runninn upp þar sem Kaldakvísl
kemur úr Vonarskarði.
Dactylis glomerata
Ættkvísl   Dactylis
     
Nafn   glomerata
     
Höfundur   L. - Sp. Pl., 71. 1753.
     
Ssp./var  
     
Höfundur undirteg.  
     
Yrki form  
     
Höf.  
     
Íslenskt nafn   Axhnoðapuntur
     
Ætt   Poaceae (Grasaætt)
     
Samheiti   Dactylis glaucescens Willd.; Festuca glomerata (L.) All.; Phalaris glomerata (L.) Gueldenst.;
     
Lífsform   Fjölær grastegund
     
Kjörlendi   Vex í sáðsléttum og túnum, slæðingur í grasbrekkum og meðfram vegum.
     
Blómlitur   Axagnir fjólublágráleitar
     
Blómgunartími   Ágúst
     
Hæð   0.50 - 1.20 m
     
 
Axhnoðapuntur
Vaxtarlag   Fjölært, hávaxið og grófgert gras í þéttum þúfum, 50-120 sm á hæð. Stráin upprétt eða útsveigð.
     
Lýsing   Blöðin grágræn, hárlaus, breið, 4-7 mm, með flötum slíðrum og um 3 mm langri slíðurhimnu. Punturinn með fáum, grófum, stinnum greinum og þéttum smáaxaþyrpingum. Puntgreinar mjög snarpar. Smáöxin mörg saman í þéttum, stórum hnoðum sem standa utarlega á puntgreinunum, mjó, um 6 mm á lengd, 3-4-blóma, á stinnhærðum leggjum, mismikið hærð. Agnirnar fjólubláleitar eða gráar, þrítauga, broddyddar meö stuttum en stinnum hárum á kilinum. Neðri blómögnin fjólubláleit eða gráleit og endar í oddhvassri týtu, 5-tauga með skörpum kanti um miðtaugina. Frjóhirslur ljósbrúnar eða fjólubláleitar, 3-4 mm á lengd. Blómgast í ágúst. LÍK/LÍKAR: Engar. Auðþekktur á stórum, þéttvöxnum blómhnoðum.
     
Jarðvegur   Kýs léttan, frjóan og vel framræstan jarðveg, sól eða hálfskugga.
     
Heimildir   1,2,3,9, HKr, Clayton, W.D., Harman, K.T. and Williamson, H. (2006 onwards). GrassBase - The Online World Grass Flora. http://www.kew.org/data/grasses-db.html. [accessed 02 Feb. 2007]; http://www.pfaf.org/database/plants.php?Dactylis+glomerata
     
Reynsla  
     
     
Útbreiðsla   Allvíða á láglendi um land allt. Innfluttur, sem sáðgresi í túnum, a.m.k. síðan 1920. Hefur sáð sér út og ílenst á mörgum stöðum. Önnur náttúruleg heimkynni t.d.: Evrópa, Asía, Afríka, Ástralía, Nýja Sjáland. N og S Ameríka.
     
Axhnoðapuntur
Axhnoðapuntur
Axhnoðapuntur
Axhnoðapuntur
Axhnoðapuntur
Lystigarður Akureyrar - Eyrarlandsstofa - Sími: 462 7487 - Netfang: gkb@akureyri.is