Ólafur Jóhann Sigurðsson - Á vordegi
Grundin eignast gullinn fífil,
geislafingur hlýir strjúka
lambakóng með lítinn hnýfil,
lambagrasið rauða og mjúka.

Vappar tjaldur, vellir spói,
verpir í broki mýrispýta.
Bráðum kveikir fenjaflói
fífublysið mjallahvíta.

Bráðum mun í morgunstillu
meðan þokan kveður dranga
ljósberi hjá lágri syllu
lyfta kolli til að anga.

Blíða daga, bjartar nætur
bugðast á með tærum hyljum
eftir laut sem litlir fætur
lásu forðum berum iljum.


Betula neoalaskana
Ættkvísl   Betula
     
Nafn   neoalaskana
     
Höfundur   (Sarg.) Raup.
     
Ssp./var  
     
Höfundur undirteg.  
     
Yrki form  
     
Höf.  
     
Íslenskt nafn   Alaskahvítbjörk
     
Ætt   Bjarkarætt (Betulaceae)
     
Samheiti   Betula alaskana, Betula papyrifera var. humilis, Betula papyrifera var. neoalaskana ofl.
     
Lífsform   Tré
     
Kjörlendi   Sól
     
Blómlitur   Grænleitur til kakóbrúnn
     
Blómgunartími   Júní
     
Hæð   6-10 m
     
Vaxtarhraði  
     
 
Alaskahvítbjörk
Vaxtarlag   Tré, allt að 15 m hátt í heimkynnum sínum. Börkur hvítur til fölbrúnn. Ársprotar hárlausir, þétt vörtóttir.
     
Lýsing   Lauf 3-6 × 2-5 sm, skakk-tígullaga eða tígullaga-egglaga, grunnur fleyglaga til þverstýfð, gróf tvísagtennt, langydd, æðastrengir í 6-8 pörum, dökkgræn, glansandi ofan, hárlaus eða ögn dúnhærð á æðastrengjunum á neðra borði, laufleggur 2 sm, grannur. Fullþroska kvenreklar 3 sm, sívalir, hangandi, rekilhreistur hærð og randhærð.
     
Heimkynni   Alaska, Yukon.
     
Jarðvegur   Vex helst í mýrum og á illa framræstu landi, einar sér
     
Sjúkdómar  
     
Harka   1
     
Heimildir   = 1, http://www.for.gov.bc.ca
     
Fjölgun   Sáning.
     
Notkun/nytjar   Stakstæð tré, í þyrpingar, blönduð beð
     
Reynsla   Í Lystigarðinum er til ein planta undir þessu nafni sem gróðursett var í beð 1983, kom sem planta frá Vöglum. Hefur kalið mjög lítið eða ekkert gegnum árin. Í Lystigarðinum er ógreindur klónn frá Fairbakns Alaska - kelur lítið sem ekkert. Hefur einnig verið reynd í kvæmatilraun á Reykjum Ölfusi og kemur þar ekki ver út en aðrar bjarkir efir 4 vetur (ÓN)
     
Yrki og undirteg.  
     
Útbreiðsla  
     
Alaskahvítbjörk
Alaskahvítbjörk
Alaskahvítbjörk
Alaskahvítbjörk
Alaskahvítbjörk
Lystigarður Akureyrar - Eyrarlandsstofa - Sími: 462 7487 - Netfang: gkb@akureyri.is