Þuríður Guðmundsdóttir - Rætur
Ég geng um skrúðgarða borgar
og blómin horfa á mig
litríkum framandi augum
og ilmur þeirra er alltaf nýr

Í fjarska situr fölblá gleymmérei
á fötum lítils barns

Því blágresi, holtasóley og steinbrjótur
voru blóm bernsku minnar

Og rætur þeirra
verða alltaf mínar

Sagina saginoides
Ættkvísl   Sagina
     
Nafn   saginoides
     
Höfundur   (L.) Karsten, Deutsche Fl.: 539. 1882.
     
Ssp./var  
     
Höfundur undirteg.  
     
Yrki form  
     
Höf.  
     
Íslenskt nafn   Langkrækill
     
Ætt   Caryophyllaceae (Hjartagrasaætt)
     
Samheiti   Sagina linnaei C. Presl Sagina macrocarpa (Reichenb.) J. Mal'y Sagina saxatilis Wimmer, Fl. Schlesien: 75. 1840. Spergella saginoides (L.) Reichenb. Spergula micrantha Bunge in Ledeb., Fl. Altaica 2: 183. 1830. Spergula saginoides L.
     
Lífsform   Fjölær jurt
     
Kjörlendi   Vex í grónum bollum og gilbrekkum, á eyrum og í flögum, gjarnan í leirbornum jarðvegi.
     
Blómlitur   Hvítur
     
Blómgunartími   Júní-júlí
     
Hæð   0.03-0.08 m
     
 
Langkrækill
Vaxtarlag   Ljósgræn og hárlaus jurt sem vex í þéttum og flötum þúfum, 3-8 sm á hæð. Stönglar grænir, læpulegir, grannir, gjarnan jarðlægir og rótskeyttir en uppsveigðir til enda.
     
Lýsing   Blöðingagnstæð og í stofnhvirfingu, strik- eða allaga, 4-10 mm á lengd og innan við 1 mm á breidd, með stuttum, gagnsæjum broddi. Blómin hvít, 4-5 mm í þvermál, oftast fimmdeild (stöku sinnum eru blómin með fjórum krónublöðum), blómleggir ávallt miklu lengri en efstu stöngulliðir og er plantan auðþekkt á því. Blóm drúpa fyrir blómgun en réttast síðan upp. Krónublöðin ívið styttri eða jafnlöng bikarblöðunum og opnast blómin aðeins í sólskini. Bikarblöð snubbótt og himnurend. Fræflar 10. Frævan með fjórum til fimm stílum. Hýðið egglaga, fimmtennt. Blómgast í júní-júlí. LÍK/LÍKAR: Skammkrækill & broddkrækill. Langkrækill auðþekktur frá skammkrækli á fimmdeildum blómum sem breiðast aðeins út í sólskini og þar að auki má benda á að bikarblöðin lykja þétt að aldininu þegar það er þroskað og blómleggir eru oftast töluvert lengri. Broddkrækill (Sagina subulata) líkist langkrækli, en þekkist á því að blöðin enda í mun lengri broddi (-1/2 mm), auk þess sem hann er meira eða minna kirtilhærður.
     
Jarðvegur  
     
Heimildir   1,2,3,9, HKr
     
Reynsla  
     
     
Útbreiðsla   Algengur, einkum norðanlands og á miðhálendinu. Önnur náttúruleg heimkynni t.d.: Evrópa, Kanada, Kína, Japan, Grænland, Mexíkó, Marokkó, Rússland, Viet Nam, N Ameríka.
     
Langkrækill
Langkrækill
Langkrækill
Langkrækill
Lystigarður Akureyrar - Eyrarlandsstofa - Sími: 462 7487 - Netfang: gkb@akureyri.is