Málsháttur
Mjór er mikils vísir.
Veronica chamaedrys
Ættkvísl   Veronica
     
Nafn   chamaedrys
     
Höfundur   Linnaeus, Sp. Pl. : 13 (1753)
     
Ssp./var  
     
Höfundur undirteg.  
     
Yrki form  
     
Höf.  
     
Íslenskt nafn   Völudepla
     
Ætt   Scrophulariaceae (Grímublómaætt)
     
Samheiti  
     
Lífsform   Fjölær jurt (eiginlega sígræn)
     
Kjörlendi   Innfluttur slæðingur, helst í grennd við byggð.
     
Blómlitur   Blár með dekkri æðum
     
Blómgunartími   Júlí-ágúst
     
Hæð   0.10-0.50 m
     
 
Völudepla
Vaxtarlag   Stönglar hærðir, uppréttir, með stilklausum, gróftenntum, gagnstæðum blöðum, 10-50 sm á hæð.
     
Lýsing   Blöðin gagnstæð, egglaga, gróftennt, hærð, 1,5-3 sm á lengd, stilklaus eða með örstuttum stilk. Blómin blá með dökkum æðum, u.þ.b. 1 sm í þm. á 3-8 mm löngum, grönnum leggjum, allmörg saman í fremur gisnum klösum sem sitja í blaðöxlunum. Bikarblöðin græn, oddbaugótt eða lensulaga, 3-4 mm á lengd, hærð, oddmjó. Fræflar tveir. Ein loðin fræva með einum stíl. Hýðið styttra en bikarinn. Blómgast í júlí-ágúst. 2n=32. LÍK/LÍKAR: Blómin líkjast steindeplu en auðgreind frá henni þar sem blöðin eru bæði stærri og mun gróftenntari.
     
Jarðvegur  
     
Heimildir   2,9, HKr
     
Reynsla  
     
     
Útbreiðsla   Mjög sjaldgæf villt. Talin aðflutt með norskum hvalveiðimönnum, einnig ræktuð til skrauts og hefur ílenst á nokkrum stöðum t.d. í Önundarfirði og Norðfirði. Önnur náttúruleg heimkynni t.d.: Ástralía, Andorra, Evrópa, Bali, Mexíkó, Nýja Sjáland, Madeira, Rússland, N Ameríka.
     
Völudepla
Völudepla
Völudepla
Völudepla
Völudepla
Völudepla
Lystigarður Akureyrar - Eyrarlandsstofa - Sími: 462 7487 - Netfang: gkb@akureyri.is