Hulda - Úr ljóðinu Sorg
Þar sem blóm í laufalautum
ljúfu máli saman tala,
sem að ást og angur skilja, ?
blágresi og burknar grannir,
brönugrös og músareyra,
ljósberi og lækjarstjarna,
litlar fjólur, æruprísar,
gullmura og gleym-mér-eigi, ?
vildi ég mega minnast þín.
Cornus sericea
Ættkvísl   Cornus
     
Nafn   sericea
     
Höfundur   L.
     
Ssp./var  
     
Höfundur undirteg.  
     
Yrki form  
     
Höf.  
     
Íslenskt nafn   Sveighyrnir
     
Ætt   Skollabersætt (Cornaceae)
     
Samheiti   Cornus stolonifera Michx.
     
Lífsform   Runni
     
Kjörlendi   Sól til hálfskuggi
     
Blómlitur   Hvítur (óásjáleg blóm)
     
Blómgunartími   Júní-júlí
     
Hæð   2-3 m (-5 m)
     
Vaxtarhraði  
     
 
Vaxtarlag   Margstofna kröftugur, gisgreinóttur runni, myndar mikið af rótarskotum. Greinar útstæðar og bogsveigðar. Skrautlegast við tegundina eru skærrauðar greinarnar að vetrinum sem eru sérlega fallegar með snjóinn í bakgrunninum. Greinar jarðlægar, börkur á ungum greinum dökkpurpurarauður, greinar hárlausar.
     
Lýsing   Laufin 5-10 sm, oddbaugótt, egglaga til oddbaugótt-lensulaga, langydd, dökkgræn ofan, blágræn neðan með aðlæg hár bæði ofan og neðan, verða dökkpurpura að haustinu. Æðastrengjapör 5-7, laufleggir 2,5 sm. Fallegir haustlitir. Blómin móhvít, lítil, í skúfum, sem eru 3-5 sm í þvermál. Heldur áfram að blómstra fram eftir sumri. Blómunum fylgja hvít (stundum bláleit) ber síðsumars. Aldin hvít, hnöttótt, 6-9 mm breið. Aldinin eru eftirsótt af fuglum, og eru að minnsta kost jafn skrautleg ef ekki skrautlegri en blómin.
     
Heimkynni   A N Ameríka.
     
Jarðvegur   Frjór, meðalrakur til blautur jarðvegur.
     
Sjúkdómar   Lauf og greinar eru viðkvæm fyrir sveppsýkingu, bjöllum og lirfum stöku sinnum.
     
Harka   2
     
Heimildir   1, 4, http://www.missouriboranicalgarden.org
     
Fjölgun   Sumar- og vetrargræðlingar, sveiggræðsla að vori, haustsáning.
     
Notkun/nytjar   Stakstæð, í þyrpingar, í blönduð beð.
     
Reynsla   Í Lystigarðinum er til ein planta sem gróðursett var í beð 1991, önnur planta sem sáð var til 1982 og gróðursett í beð 1986, einnig eru til tvær plöntur sem sáð var til 1989 og gróðursettar í beð 1993 og ein planta sem sáð var til 1993 og gróðursett í beð 1994. ---- Harðgerð tegund og hefur reynst þokkalega í garðinum, kelur þó nokkuð mismikið frá ári til árs (k:0,5-3) kelur meira í frjóum og góðum jarðvegi. Má stýfa alveg niður árlega.
     
Yrki og undirteg.   Nokkur yrki í ræktun t.d. 'Flaviramea' er með gular greinar, 'Elongata' með grænar greinar, 'Baileyi' er runni allt að 3 m hár og skríður ekki, 'Kelseyi' verður aðeins um 50 sm á hæð og með skærrauðar greinar og 'Pendula' sem er lágvaxinn runni með niðursveigðar greinar. Af þessum yrkjum er aðeins 'Flaviramea' til í uppeldi í garðinum en vert væri að reyna öll hin yrkin.
     
Útbreiðsla  
     
Lystigarður Akureyrar - Eyrarlandsstofa - Sími: 462 7487 - Netfang: gkb@akureyri.is