Ólafur Jóhann Sigurðsson - Á vordegi
Grundin eignast gullinn fífil,
geislafingur hlýir strjúka
lambakóng með lítinn hnýfil,
lambagrasið rauða og mjúka.

Vappar tjaldur, vellir spói,
verpir í broki mýrispýta.
Bráðum kveikir fenjaflói
fífublysið mjallahvíta.

Bráðum mun í morgunstillu
meðan þokan kveður dranga
ljósberi hjá lágri syllu
lyfta kolli til að anga.

Blíða daga, bjartar nætur
bugðast á með tærum hyljum
eftir laut sem litlir fætur
lásu forðum berum iljum.


Spiraea × vanhouttei
Ættkvísl   Spiraea
     
Nafn   × vanhouttei
     
Höfundur   (Briot) Carrière
     
Ssp./var  
     
Höfundur undirteg.  
     
Yrki form  
     
Höf.  
     
Íslenskt nafn   Snækvistur
     
Ætt   Rósaætt (Rosaceae).
     
Samheiti  
     
Lífsform   Lauffellandi runni.
     
Kjörlendi   Sól.
     
Blómlitur   Hvítur.
     
Blómgunartími   Snemmsumars.
     
Hæð   - 2 m.
     
Vaxtarhraði  
     
 
Vaxtarlag   Lauffellandi, uppréttur runni, allt að 2 m hár. Sprotar grannir, langir, tígurlega bogsveigðir, brúnir og hárlausir.
     
Lýsing   Lauf 3-4,5×2,5-3 sm, tígullaga eða öfugegglaga, stöku sinnum greinilega 3-5 flipótt, breiðmjókkandi niður og heilrend við grunninn, efri hluti laufanna gróf-sagtenntur. Dökkgræn ofan, dálítið blágræn neðan, hárlaus. Blómin allt að 8,5 mm breið, hvít í 5 sm breiðum, sveiplíkum klösum, sem eru fjölmargir eftir greinum endilöngum, blómleggir um 1 sm langir. Bikarblöð upprétt, krónublöð kringlótt, fræflar oft ófrjóir að hlut, helmingi styttri en krónublöðin. Hýðin dálítið útstæð.
     
Heimkynni   Garðablendingur (S. trilobata L. × S. cantoniensis Lour.).
     
Jarðvegur   Meðalfrjór, meðalrakur, vel framræstur.
     
Sjúkdómar  
     
Harka   4
     
Heimildir   = 1, Ásg.Svanb. 1982.
     
Fjölgun   Sumargæðlingar.
     
Notkun/nytjar   Í þyrpingar, í beð, í kanta og sem stakstæður runni.
     
Reynsla   Í Lystigarðinum er til ein planta undir þessu nafni sem sáð var til 2008, er í sólreit (2014). Snækvisturinn ervða í görðum hérlendis, harðgerður og talinn skuggþolinn. Seinn til og blómstrar sjaldan. Þarf grisjun.
     
Yrki og undirteg.  
     
Útbreiðsla  
     
Lystigarður Akureyrar - Eyrarlandsstofa - Sími: 462 7487 - Netfang: gkb@akureyri.is