Sigf˙s Da­ason - VŠngjaslßttur
Akureyri
mjög skreytt
reynitrjám.

Sá sem gengi um bæinn
á septemberkvöldi:
dimmur skuggi innfjarðarins
fylgdi honum á aðra hönd hvar sem hann færi,
lifandi, kvikur!
Sálarspegill!

Heilagur lundur
rís í hæðir.
Og gangi maður í lundinn
er hann þar einn með sjálfum sér.

Það gustar um limið
og fuglarnir í björtum trjákrónunum
fælast skóhljóð einmanans
og hviðra með vængjaslætti
yfir höfði hans og úti í myrkrinu.

Og upp fyrir honum rennur þá: hvílík
sú dýrð sem einmananum hlotnast.



10.6.2004 - HeimasÝ­an komin Ý lofti­
Þann 11. júní 2004 var heimasíðan opnuð formlega við hátíðlega athöfn í Lystigarðinum. Á henni má finna allt um sögu garðsins, ýmsa fróðleiksmola um ræktun og hirðingu garðplantna, eitt og annað um starfsemina í garðinum og bent er á tengla á aðrar heimasíður sem tengjast garðyrkju, bæði hérlendis og erlendis . Aðalfyrirferðin á síðunni er þó veglegur gagnagrunnur um flestar þær tegundir sem vert er að rækta sem garðplöntur hérlendis. Í gagnagrunninum má finna fróðleik og myndir af yfir 2000 tegundum, tegundaafbrigðum og yrkjum. Grunnurinn er í raun uppkast og verður unnið í honum næstu árin og bætt við fleiri tegundum, lýsingar endurbættar og settar inn fleiri myndir. Reynt verður að einskorða grunninn við þær tegundir sem reynst hafa vel í ræktun hérlendis. Ingvar Karl Þorsteinsson bjó til grunninn af stakri snilld og kunnum við honum bestu þakkir fyrir. Hann vinnur hjá Gunnari Birni Þórhallssyni í fyrirtækinu Netkerfi og tölvur ehf.
Við sama tækifæri var opnuð formlega ný og endurbætt aðkoma að norðvesturhorni garðsins. Þeim sem eru á rútum og stærri farartækjum er sérstaklega bent á þessa aðkomu en þar eru næg bílastæði og tiltölulega auðvelt að athafna sig.

Lystigarður Akureyrar - Eyrarlandsstofa - Sími: 462 7487 - Netfang: bjorgvin@akureyri.is