Jˇn Thoroddsen - BarmahlÝ­

Hlíðin mín fríða
hjalla meður græna
og blágresið blíða
og berjalautu væna,
á þér ástaraugu
ungur réð ég festa,
blómmóðir bezta!

Sá ég sól roða
síð um þína hjalla
og birtu boða
brúnum snemma fjalla.
Skuggi skauzt úr lautu,
skreið und gráa steina,
leitandi leyna.

Blómmóðir bezta,
beztu jarðargæða
gaf þér fjöld flesta
faðir mildur hæða.
Hver mun svo, er sér þig,
sálar þjáður dofa,
að gleymi guð lofa?

Hlíð, þér um haga
hlýr æ blási andi,
döggvi vordaga
dögg þig sífrjóvgandi!
Um þig aldrei næði,
af þér svo að kali,
vetur vindsvali!


21.6.2004 - Bˇndarˇsir og blßsˇlir
Af plöntum sem nefna má í blóma og vel þess virði að skoða eru bóndarósirnar og blásólirnar. Báðar þessar ættkvíslar eiga fjölmarga fulltrúa í garðinum frá framandi löndum eins t.d. frá Kína og Tíbet svo dæmi séu tekin.

Einnig eru fjölmargir runnar í blóma um þessar mundir fyrir þá sem hafa sérstakan áhuga á trjágróðri.

BSt.
Lystigarður Akureyrar - Eyrarlandsstofa - Sími: 462 7487 - Netfang: bjorgvin@akureyri.is