Halldór Kiljan Laxness , Bráðum kemur betri tíð.
Bráðum kemur betri tíð með blóm í haga,
sæta langa sumardaga.

Cotoneaster dammeri
Ættkvísl   Cotoneaster
     
Nafn   dammeri
     
Höfundur   Schneid.
     
Ssp./var  
     
Höfundur undirteg.  
     
Yrki form  
     
Höf.  
     
Íslenskt nafn   Breiðumispill
     
Ætt   Rósaætt (Rosaceae)
     
Samheiti  
     
Lífsform   Hálfsígrænn runni
     
Kjörlendi   Sól, hálfskuggi
     
Blómlitur   Hvítur
     
Blómgunartími   Sumar
     
Hæð   0,2-0,45 m
     
Vaxtarhraði   Hraðvaxta.
     
 
Breiðumispill
Vaxtarlag   Jarðlægur, sígrænn til hálfsígrænn runni, allt að 45 sm hár og 180 sm breiður, þekjurunni. Langar, drúpandi greinar, greinaendar með strjála dúnhæringu, verða hárlausir. Greinabyggingin minnir á fiskidálk. Börkur er þunnur, rauðbrúnn, ungar greinar dúnhærðar.
     
Lýsing   Lauf stakstæð, heil, lítil, allt að 3 × 1,4 sm, oddbaugótt, til öfugegglaga-aflöng, dökk, glansandi græn, verða fljótt alveg hárlaus. Haustlauf purpuralit. Blómin eru hvít, allt að 13 mm í þvermál, oftast stök, sjaldan 3 í knippi, koma snemmsumars, smá en mörg og mjög skrautleg. Fræflar 15-20, frjóhnappar purpuralitir. Aldin 3 mm, næstum hnöttótt, skærrauð, smá, eru á runnanum allan veturinn, þroskast í september og fram í október, geta verið falleg, kjarnar/fræ 3-5.
     
Heimkynni   M Kína í 1300-2600 m h. y. s.
     
Jarðvegur   Vel framræstur, frjór jarðvegur, sýrustig skiptir ekki máli.
     
Sjúkdómar  
     
Harka   5
     
Heimildir   = 1, http://www.hort.uconn.edu
     
Fjölgun   Sumargræðlingar, haustsáning, græðlingar með hæl síðsumars.
     
Notkun/nytjar   Í ker, í brekkur, í steinhæðir, í þyrpingar, sem þekjurunni og á veggi. Getur litið út fyrir að vera illa hirtur, þarf snyrtingu. Vindþolinn.
     
Reynsla   Í Lystigarðinum er til ein planta undir þessu nafni, sem sáð var til 2001 og gróðursett í beð 2004. Þrífst vel. Meðalharðgerður-viðkvæmur. Þarf helst vetrarskýli.
     
Yrki og undirteg.   Cotoneaster dammeri 'Skogsholm' er yrki sem talið er harðgerðara, en þar fyrir utan er til fjöldinn allur af yrkjum í ræktun erlendis
     
Útbreiðsla  
     
Breiðumispill
Lystigarður Akureyrar - Eyrarlandsstofa - Sími: 462 7487 - Netfang: gkb@akureyri.is