Ólafur Jóhann Sigurðsson - Á vordegi
Grundin eignast gullinn fífil,
geislafingur hlýir strjúka
lambakóng með lítinn hnýfil,
lambagrasið rauða og mjúka.

Vappar tjaldur, vellir spói,
verpir í broki mýrispýta.
Bráðum kveikir fenjaflói
fífublysið mjallahvíta.

Bráðum mun í morgunstillu
meðan þokan kveður dranga
ljósberi hjá lágri syllu
lyfta kolli til að anga.

Blíða daga, bjartar nætur
bugðast á með tærum hyljum
eftir laut sem litlir fætur
lásu forðum berum iljum.


Draba corymbosa
Ættkvísl   Draba
     
Nafn   corymbosa
     
Höfundur   R.Br. ex DC.
     
Ssp./var  
     
Höfundur undirteg.  
     
Yrki form  
     
Höf.  
     
Íslenskt nafn   Sveipvorblóm*
     
Ætt   Krossblómaætt (Brassicaceae).
     
Samheiti   Draba alpina Linnaeus v. bellii (Holm) O. E. Schulz; D. alpina var. corymbosa Durand; D. barbata Pohle; D. bellii Holm; D. kjellmanii Lid ex E. Ekman; D. macrocarpa Adams; D. vestita Davidson
     
Lífsform   Fjölær jurt.
     
Kjörlendi   Sól.
     
Blómlitur   Gulur.
     
Blómgunartími   Júní-ágúst.
     
Hæð   5-15 sm
     
Vaxtarhraði  
     
 
Vaxtarlag   Þýfður fjölæringur, stöngulstofn greinóttur (með langæ lauf eða laufarestir, greinarnar enda oft í ófrjórri blaðhvirfingu, með blómlegg. Stönglar ógreindir, (0,5-)2-8(-15) sm, dúnhærðir, hárin ógreind og með 2 geisla, 0,4-1 mm, hár með 3-5 geisla, 0,05-0,4 mm (stundum eru flest hárin ógreind). Grunnlauf í hvirfingu, með legg, grunnur leggjanna og jaðar laufanna randhærður (hárin oft gróf, ógreind, 0,4-1,3 mm). Laufblaðkan öfuglensulaga til öfugegglaga, 0,6-1,8 sm x 1,5-5 mm, heilrend, dúnhærð bæði ofan og neðan, dúnhár á neðra borði með legg, 2-6 geisla, 0,2-0,6 mm, hár á efra borði ógreind og með legg, 2-geisla, allt að 1,1 mm með 3-5 geisla, 0,2-0,4 mm. Engin stöngullauf.
     
Lýsing   Blómklasar 2-9(-12)-blóma, ekki með stoðblöð, (hálfsveipur), lengist lítið eitt við aldinþroskann, aðalblómskipunarleggurinn ekki bugðóttur, dúnhærður eins og stöngullinn. Aldinleggir gleiðgreindir-uppsveigðir, beinir eða dálítið bognir upp á við, 4-11(-16) mm, dúnhærðir, allt að 1 mm, hár ógreind og 2-4-geisla. Bikarblöð grágræn, breiðegglaga, 2,2-3 mm, dúnhærð (hárin ógreind, allt að 1 mm, stundum með legg, minni, 2-4-geisla). Krónublöðin (breið-hálfupprétt), gul, öfugegglaga, 4-6 x 3-5 mm. Frjóhnappar egglaga, 0,3-0,4 mm. Skálpar aflangir eða egglaga, sléttir, útflattir, 6-12 x 3,5-5,5 mm, skálpalok dúnhærð eða smádúnhærð, hár ógreind, 0,1-0,4 mm (stundumm með stuttan legg, 2- eða 3-geisla). Eggbú 12-24 í hverju egglegi. Stíll 0,6-1 mm (fræni greinilega breiðara en stíllinn). Fræin brún, egglaga, 1-1,3 x 0,6-0,9 mm.
     
Heimkynni   Grænland, Yukon, Alaska, Evrópa (Noregur, N Rússland) A Asía (Rússland-Síbería).
     
Jarðvegur   Malarborinn, leirkenndur, rakur.
     
Sjúkdómar  
     
Harka  
     
Heimildir   www.efloras.org/florataxon.aspx?flora-id=1&taxon-id=250094739, Flora of North America
     
Fjölgun   Sáning.
     
Notkun/nytjar   Í steinhæðir.
     
Reynsla   Í Lystigaðinum eru til tvær plöntur, sem sáð var til 2009 og 2010 og gróðursettar í beð 2015.
     
Yrki og undirteg.  
     
Útbreiðsla  
     
Lystigarður Akureyrar - Eyrarlandsstofa - Sími: 462 7487 - Netfang: gkb@akureyri.is