Málsháttur
Eigi fellur tré við hið fyrsta högg.
Lilium henryi
Ættkvísl   Lilium
     
Nafn   henryi
     
Höfundur   Bak.
     
Ssp./var  
     
Höfundur undirteg.  
     
Yrki form  
     
Höf.  
     
Íslenskt nafn   Kínalilja
     
Ætt   Liljuætt (Liliaceae).
     
Samheiti  
     
Lífsform   Fjölæringur og laukplanta.
     
Kjörlendi   Sólríkur vaxtarstaður.
     
Blómlitur   Skær appelsínulitur með margar brúnar/svartar doppur.
     
Blómgunartími   Ágúst.
     
Hæð   70-90 sm
     
Vaxtarhraði  
     
 
Vaxtarlag   Uppréttir, laufóttir stönglar.
     
Lýsing   Meðalstór villililja. Blómin túrbanlaga, appelsínulit, plantan er ef til vill náskyldari trompetliljublendingum og austurlandablendingum en Asíublendingum. Laukar venjulega stærri en hnefi með stór, oddbaugótt hreistur og sterkar, djúpstæðar, dökkpurpura rætur. Laukar 8-18 × 7-15 sm, sammiðja, hreistur 3,5-4,5 × 1,5 sm, þykk, hvít, rauð ef birtan skín á það, ydd, lensulaga, sköruð. Stönglar sveigjanlegir, 1-3 m háir, grænir með purpuralitum flikrum, stönglar eru með stöngulrætur. Stoðrætur myndast á stönglinum. Laufin eru dökkgræn, 8-15 × 2-3 sm, glansa, stakstæð, efri laufin egglaga, legglaus, neðstu laufin lensulaga og með legg, 3-5 tauga, þétt saman neðan við blómin. Blóm ilmlaus, 4-20 talsins, túrbanlaga, drúpandi, í klasa, blómleggir 5-9 sm, láréttir, 1-2 laufkennd stoðblöð neðan við blómin. Blómhlífarblöð 6-8 × 1-2 sm, skær appelsínulit með margar brúnar/svartar doppur, vörtur og græna hunangsbera, lensulaga baksveigð. Blómin verða að lokum túrbanlaga (en eru það ekki í byrjun). Blómleggir sveigjast út á við. Frjóhnappar djúprauðir. Aldin 4 × 2 sm, fræ gullbrún 9 × 6 mm.
     
Heimkynni   Fjöll í Mið-Kína.
     
Jarðvegur   Frjór og vel framræstur.
     
Sjúkdómar  
     
Harka   5
     
Heimildir   = 1, Jelitto, L and Wilhelm Schacht 1990 Hardy Herbaceous Perennials. I &II. – third ed. London. http://www.wikipedia.org
     
Fjölgun   Auðfjölgað með fjölmörgum æxlilaukum sem eru upp eftir stönglinum í blaðöxlunum og með smálaukum. Æxlilaukar eru í sumum blaðöxlum
     
Notkun/nytjar   Í skrautblómabeð, trjáa- og runnabeð. Þarf sólríkan vaxtarstað. Langlíf lilja sem þarf að planta djúpt í frjóan jarðveg. Þolir betur kalkríkan jarðveg en flestar liljur.
     
Reynsla   Talin harðgerð, lítt reynd hérlendis. Var sáð í Lystigarðinum 1998 og flutt út í beð 2005 og var aftur sáð í Lystigarðinum 2006.
     
Yrki og undirteg.  
     
Útbreiðsla   AÐRAR UPPLÝSINGAR: Blómviljug og blómin standa lengi. Myndar treglega fræ. Þessi lilja vex í klettaveggjum þar sem leggurinn liðast upp vegginn. Verður 1,5 m há í náttúrunni en hæstu og kröftugustu plönturnar í ræktun verða 2,5 m háar. Þarf stuðning með bambuspriki. Augustine Henry kom henni í ræktun í Evrópu og það skýrir latneska nafnið á henni.
     
Lystigarður Akureyrar - Eyrarlandsstofa - Sími: 462 7487 - Netfang: gkb@akureyri.is