Aconitum tauricum

Ættkvísl

Nafn

tauricum

Ætt

Sóleyjarætt (Ranunculaceae).

Lífsform

Fjölær jurt.

Kjörlendi

Sól -dálítill skuggi.

Blómalitur

Purpura.

Blómgunartími

Ágúst-september.

Hæð

10-80 sm

Vaxtarlag

Ræturnar með hnýðum. Fjölær jurt, stönglar 10-80 sm háir. Grunnlauf dökkgræn með greinilegum æðastrengjum, eru með lauflegg. Blaðkan (2-3 handskipt) 5-hyrnd, skipt í 5 hluta (eða fleiri - allt að 7), fliparnir eru lensulaga eða beinlínis bandlaga. Fliparnir eru 3 mm breiðir. Stöngullauf minnka smám saman eftir því sem ofar dregur á stönglinum, eru legglaus, blaðkan er með djúplægar æðar og mjóa flipa.

Lýsing

Blómin eru 20-30 mm, í endastæðum klösum, þéttari neðantil purpuralit. Blómskipunarleggurinn lítið dúnhærður, næstum hárlaus. Blómskipunin er með stoðblöð, 5-15 sm há, blómin gormstæð, með legg. Fræhýði svört, hárlaus, legglaus, 5 mm breið og 15-20 mm löng. fræin 4 mm.

Uppruni

V Evrópa (fjöll) til Himalaja.

Heimildir

= en.hortipedia.com/wiki/Aconitum-tauricum, https://it.wikipedia.org/wiki/Aconitum-tauricum.

Fjölgun

Sáning, skipting.

Notkun/nytjar

Í fjölæringabeð. Plantan er eitruð.

Reynsla

Í Lystigarðinum er til ein planta undir þessu nafni, sem sáð var til 2004 og gróðursett í beð 2006, þrífst vel.