Ribes komarovii

Ættkvísl

Nafn

komarovii

Ætt

Garðaberjaætt (Grossulariaceae).

Lífsform

Lauffellandi runni.

Kjörlendi

Sól, hálfskuggi.

Blómalitur

Grænleitur?

Blómgunartími

Maí-júní.

Hæð

1,5-3 m

Vaxtarlag

Lauffellandi runni, 1,5-3 m hár. Greinar hárlausar, þyrnalausar. Brum brún eða brúnrauð aflöng-egglaga, 5-8 mm, odddregin, brumhlífar hárlausar eða smádúnhærð á jöðrunum.

Lýsing

Laufleggir 6-17 mm. Hárlausir, stundum með lítið eitt af kirtilhárum. Laufblaðkan breiðegglaga til hálfkringlótt, stundum mjórri, 2-6 × 2-5 sm, með ögn af kirtilhárum, grunnur dálítið bogadreginn til þverstýfður, sjaldan grunnhjartalaga til fleyglaga, flipar oftast 3, jaðrar óreglulega bogatenntir, snubbóttir eða yddir, endaflipinn miklu lengri en hliðafliparnir. Klasar uppréttir, karlklasar 2-5 sm með fleiri en 10 blóm, kvenklasar 1,5-2,5 sm með 5-10 blóm, aðalleggur klasanna og blómleggir/aldinleggir með stutt kirtilhár, stoðblöð brúnleit, oddbaugótt, 4-6 mm, hárlaus eða með lítið eitt af kirtilhárum á jöðrunum. Blómleggir 2-4 mm. Bikar grænn, hárlaus, pípan bikarlaga 1,5-2,5 mm, bikarflipar uppréttir, egglaga til mjóegglaga, nokkurn veginn jafnlangir og bikarpípan. Krónublöð öfugegglaga til hálf-blævængslaga, mjög lítil, ekki jafnlöng og bikarfliparnir. Fræflarnir ögn lengri en krónublöðin. Eggleg hárlaust. Stíll 2-klofinn. Berin rauð, öfugegglaga-hnöttótt til hnöttótt, 0,7-0,8 sm, hárlaus.

Uppruni

Kína, N Kórea, Rússland.

Heimildir

www.eFlors.org / Flora of China

Fjölgun

Sáning, síðsumargræðlingar.

Notkun/nytjar

Í blönduð runnabeð, í þyrpingar og víðar.

Reynsla

Stutt, er í uppeldisreit (2011).

Útbreiðsla

AÐRAR UPPLÝSINGAR: Vaxtarstaðir í heimkynnunum: Skógar, skógarjaðrar, runnaþykkni, grýttar brekkur, i 400-2100 m hæð.