Rosa

Ættkvísl

Yrki form

'Glory of Edzell'

Höf.

England um 1900.

Ætt

Rósaætt (Rosaceae).

Samheiti

Rosa 'Glory of Edsell'.

Lífsform

Lauffellandi runni.

Kjörlendi

Sól.

Blómalitur

Bleikur með sítrónugula miðju og ljósari rákir.

Hæð

100-150 sm

Vaxtarlag

Þetta er runnarós og þyrnirósarblendingur (Rosa pimpinellifolia hybrid) og líklega yrki af Rosa x reversa. Runninn uppréttur eins og hjá öðrum þyrnirósablendingum, verður 100-150(-200) sm hár.

Lýsing

Blómstrar fremur snemma, blómin koma eitt og eitt á stuttum hliðasprotum eftir greinunum endilöngum. Blómin eru stór miðað við þessa tegund, einföld, bleik með sítrónugula miðju og ljósari rákir. Ilma mikið. Laufið hraust og fallegt, haustlitir rauðleitir. Nýpur svartar.

Uppruni

Yrki.

Heimildir

Petersen, V. 1981: Gamle roser i nye haver. Utgivet av de danske haveselskaber København 1981.http://www.rosenhof-schultheis.dehttp://www.welt-der-rosen,de/duftrosen/_duftrosen.html, www.rosegathering.com/gloryofed.html

Fjölgun

Sumar-, síðsumar- eða vetrargræðlingar.

Notkun/nytjar

Mjög harðgerð/vetrarþolin rós. Þolir fremur magran jarðveg og líkar að vera í hálfskugga og tekur "óvinsamlegan" vaxtarstað (t.d. hátt yfir sjó, 600 m) fram yfir hlýjan.

Reynsla

Rosa 'Glory of Edzell' var keypt í Lystigarðinn 2003 og var gróðursett í beð 2004, vex vel og blómstraði bæði 2008 og 2009. Runninn er orðinn stór.