Rosa

Ættkvísl

Yrki form

'Alchemist'

Höf.

(Kordes 1956) Þýskaland.

Ætt

Rósaætt (Rosaceae).

Samheiti

Rosa Alchymist.

Lífsform

Lauffellandi runni.

Kjörlendi

Sól og skjól.

Blómalitur

Blanda fölguls, aprikósuguls-appelsínuguls og bleiks litar.

Hæð

150-180 sm

Vaxtarlag

Mjög sérstök klifurrós sem vex mikið og er með langar greinar. Runninn einblómstrandi, er mjög kröftugur, uppréttur, með þétt, glansandi brons-græn lauf, mjög blómviljugur og fallegur.

Lýsing

Knúbbar hnöttóttir, springa út og mynda stór, mjög mikið fyllt-þéttfyllt, bollalaga blóm með fleiri en 40 krónublöð. Blóm ilma nokkuð mikið, en sumar heimildir segja að hún ilmi lítið. Blómin eru í stórum klösum, virðast ögn sjúskuð. Blómlitur er mjög sérstök blanda fölguls, aprikósuguls-appelsínuguls og bleiks litar.

Uppruni

Yrki.

Heimildir

Nicolaisen, A. 1975: Rosernas Bog - København,http://www.elkorose.com/ewhrab.html, http://www.hesleberg.no, http://www.welt-der-rosen,de/duftrosen/_duftrosen.htm,http://www3.sympaico.ca/galetta/tales/climbingroses.html,https://palatineroses.vom/rose/alchemist

Fjölgun

Ágræðsla á ágræðslurót af R. multiflora.

Notkun/nytjar

Þetta er góður runni, stundum lávaxinn klifurrunni, sem blómstrar aðeins einu sinni (snemma) sumars. Hæð erlendis er 1,5-1,8(-3,5) m og breidd 1,5-2,0 m.Þessi rós er harðgerð og því hægt að nota eina sér á grind, á súlur í súlnagöng með vafplöntum (á pergólu).Sólríkur vaxtarstaður. Þolir ekki skugga. Ein planta m².

Reynsla

Lifði nokkur ár við hlýjan húsvegg í Lystigarðinum.