Rosa

Ættkvísl

Yrki form

'Aloha'

Höf.

(Boerner 1949) USA

Ætt

Rósaætt (Rosaceae).

Lífsform

Lauffellandi runni.

Kjörlendi

Sól og skjól.

Blómalitur

Rósbleikur.

Blómgunartími

Ágúst september.

Hæð

1-2 m

Vaxtarlag

Þetta er klifurrós og grúppurós, tehybrid, sem er með eldri klifurrósunum, tilkomumikil, allt að 1 m há, síblómstrandi með sterkan terósailm, - sumir segja ilm af grænum eplum.

Lýsing

Foreldrar: 'Mercedes Gallart' x 'New Dawn'. 'Aloha' er með stærri blóm og dýpri lit en önnur formóðir hennar þ.e. 'New Dawn'. 'Aloha' er hægt að nota hvort heldur sem er á grindur eða sem runnarós með viðeigandi klippingu. Greinarnar eru miðlungi kröftugar, blómgunin mikil, blómin stór, stök eins og á terós. Blómin eru þéttfyllt, í tveim bleikum tónum, rósbleik með dekkri bakhlið krónublaða. Knúbbarnir eru egglaga, fremur smáir, blómin eru stór, þéttfyllt. Glansandi lauf og hóflegur vöxtur gerir hana góða súlurós eða jafnvel stóran runna.

Uppruni

Yrki.

Heimildir

Edinger, Philip & al. ed. 1981: How to grow roses A Sunset Book Lane Publishing Co. Menlo Park, California, Nicolaisen, A. 1975: Rosernas Bog - København, http://www.rose-roses.com/rosepages, http://www.welt-der-rosen,de/duftrosen/_duftrosen.htm, www.rhs.org.uk/Plants/91887/Rosa-Aloha-%28CIHT%29/Details

Fjölgun

Vetrargræðlingar, brumágræðsla að sumri.

Notkun/nytjar

Rosa 'Aloha' er formóðir eða meðal formæðra margra góðra rós. Sögð þola fremur magra jörð erlendis og þrífast þokkalega þó hún sé ekki í fullri sól.Þarf stuðning vegna þess hve blómin eru þung.

Reynsla

Rosa 'Aloha' er ekki til í Lystigarðinum 2010, en var reynd einu sinni, lifði ekki fyrsta veturinn af 1992-1993.