Anthyllis vulneraria

Ættkvísl

Nafn

vulneraria

Ssp./var

ssp. borealis

Höfundur undirteg.

(Rouy) Jalas, Ann. Bot. Soc. Zool.-Bot. Fenn. Vanamo 24(1): 40 (1950)

Íslenskt nafn

Ætt

Fabaceae (Ertublómaætt)

Lífsform

Fjölær

Kjörlendi

Vex í sendnum, malarkenndum jarðvegi, í þurru valllendi og meðfram vegum.

Blómalitur

Gulur

Blómgunartími

Júní-júlí, ág.

Hæð

0.1-0.15 m

Vaxtarlag

Niturbindandi fjölæringur. Stönglarnir eru oftast margir saman upp af sömu rót, ógreindir, sívalir með uppréttar eða uppsveigðar greinar, um 10-15 sm á hæð. Jurtin öll dúnhærð.

Lýsing

Stofnstæðu blöðin og neðstu stöngulblöðin stilkuð. Blöðin stakfjöðruð, stofnstæðu blöðin stakfjöðruð, endasmáblaðið langstærst, öfugegglaga en hin smáblöðin lensulaga eða striklaga en vantar stundum alveg. Efri stöngulblöðin stilklaus og smáblöðin öll jafnari að stærð, mjó, aflöng eða nærri striklaga. Blómin einsamhverf, mörg saman í loðnum kolli. Græn aflöng reifablöð undir kollinum. Blómkollar oft 2 saman á stöngulendum. Krónublöðin gul, stundum nær hvít, 12-15 mm á lengd. Bikarinn töluvert, himnukenndur, loðinn, uppblásinn, ljósleitur með fimm fjólubláum tönnum. Uppblásinn bikarinn utan um aldinið stuðlar að góðri frædreifingu með vindum.Fræflarnir 10, samgrónir í pípu utan um frævuna neðan til. Ein löng fræva. Blómgast í júní og heldur áfram að blómgast alveg fram í ágúst.

Heimildir

1,2,3,9

Reynsla

Notuð eitthvað sem lækningaplanta

Útbreiðsla

Nokkuð algengur í Mosfellsveit, á Reykjanesskaga og nyrst á Austfjörðum, einkum við Loðmundarfjörð. Annars sjaldséður eða ófundinn.Önnur náttúruleg heimkynni t.d.: Evrópa, Tempraði hluti Asíu, Afríka + ræktuð mjög víða