Cardamine hirsuta

Ættkvísl

Nafn

hirsuta

Íslenskt nafn

Ætt

Brassicaceae (Krossblómaætt)

Samheiti

Cardamine multicaulis HoppeCardamine umbrosa DC., non Lej.

Lífsform

Einær jurt

Kjörlendi

Vex í deiglendi, oft í flögum og röskuðum svæðum og víða sem slæðingur í beðum og kartöflugörðum.

Blómalitur

Hvítur

Blómgunartími

Júní-júlí

Hæð

0.05-0.20 m

Vaxtarlag

Stönglar yfirleitt margir, uppréttir eða uppsveigðir, ógreindir eða greindir ofan til, yfirleitt blaðfáir og hærðir, 5-20 sm á hæð.

Lýsing

Blöðin flest í stofnhvirfingum, fjaðurskipt, stilkuð, yfirleitt bugtennt, endasmáblaðið stærst, kringlótt eða nýrlaga, 5-8 mm í þvermál, hliðarsmáblöðin minni, kringlótt eða tígullaga. Stöngulblöðin aflöng eða öfugegglaga. Öll blöð ýmist gishærð eða því sem næst hárlaus.Blómin fjórdeild, hvít í klasa á stöngulendunum. Krónublöðin spaðalaga, 2-3 mm á lengd. Bikarblöðin bleikleit 1-1,5 mm á lengd. Fræflar 6 og ein fræva sem verður við þroska að um 1,5-2 sm löngum, og 1 mm breiðum, uppréttum skálp. Blómgast í júní-júlí.LÍK/LÍKAR: Hrafnaklukka. Blaðhvirfingarnar áþekkar en auðvelt að greina þær sundur í blóma.

Heimildir

1,2,3,9

Reynsla

“Hefur lík áhrif og hrafnaklukka.”

Útbreiðsla

Algeng á láglendi frá Borgarfirði vestra austur í Öræfi, annars staðar sjaldgæf. Önnur náttúrleg heimkynni t.d.: Mjög víða á norðurhveli, í N Ameríka og um alla Evrópu utan heimskautasvæða og N Rússlands.