Carex mackenziei

Ættkvísl

Nafn

mackenziei

Íslenskt nafn

Ætt

Cyperaceae (Stararætt)

Samheiti

Carex norvegica Willdenow ex Schkuhr, Besch. Riedgräs. 1: 50, plate S, fig. 66. 1801, not Retzius 1779

Lífsform

Fjölær grasleitur einkímblöðungur

Kjörlendi

Vex helst á sjóflæðum og í flóum rétt ofan við flæðarnar.

Blómgunartími

Júní-júlí

Hæð

0.10 - 0.30 m

Vaxtarlag

Jarðstöngullinn langskriðull með allstrjálum blaðsprotum, oft í ljósgrænum, læpulegum breiðum. Stráin gróf, slétt og upprétt, 15-30 sm á hæð.

Lýsing

Blöðin þunn og flöt, lin, snarprend, gulgræn eða gulleit, 2-3,5 mm á breidd, oft nær jafnlöng stráunum. Öxin eru þrjú til fimm saman efst á stönglinum. Karlblóm oftast aðeins á neðri hluta toppaxins, sem er dálítið lengra en hin öxin og oft áberandi grannt neðan til. Axhlífar egglaga, langar, mógular með ljósum röðum og grænleitri miðtaug, oft lengri en hulstrin, sljóyddar eða snubbóttar. Hulstrin grængul, stutt og bústin, nærri kringlótt, um 3 mm á lengd, með þéttum taugum og stuttri trjónu. Frænin tvö. Blómgast í júní-júlí. 2n = 64.LÍK/LÍKAR: Rjúpustör og blátoppastör. Öxin minna lauslega á rjúpustör eða blátoppastör en toppaxið er miklu lengra á skriðstörinni, og niðurmjórra.

Heimildir

1,2,3,9, HKr, http://www.efloras.org/florataxon.aspx?flora_id=1&taxon_id=242357311

Útbreiðsla

Víða á sjávarfitjum kringum landið frá Reykjanesskaga norður og austur um að Hornafirði (ekki við suðurströndina).Önnur náttúruleg heimkynni t.d.: Grænland, N Ameríka, Alaska, Evrópa, Asía.