Carex nigra

Ættkvísl

Nafn

nigra

Íslenskt nafn

Ætt

Cyperaceae (Stararætt)

Samheiti

Carex acuta Linnaeus var. nigra Linnaeus, Sp. Pl. 2: 978. 1753; C. ×aquanigra B. Boivin; C. nigra var. strictiformis (L. H. Bailey) Fernald; C. vulgaris Fries var. strictiformis L. H. Bailey

Lífsform

Fjölær grasleitur einkímblöðungur

Kjörlendi

Vex í margs konar votlendi, t.d. í mýrum eða tjarnajöðrum.

Blómgunartími

Júní

Hæð

0.20 - 0.80 m

Vaxtarlag

Lausþýfin og skríður með jarðrenglum, mjög breytileg að útliti. Stráin snörp efst, mjó, þrístrend, fremur grönn og bein, 15-80 sm á hæð.

Lýsing

Blöðin eru dökkgræn eða blágræn, löng og mjó, 2-3 mm breið, v-laga, blaðrendur upporpnar. Neðsta stoðblaðið nær oft upp að kvenöxunum. Slíður stoðblaðsins mjög stutt, grænt eða ljósbrúnt. Oftast með eitt til tvö karlöx efst og tvö til fjögur stuttleggjuð, nær upprétt kvenöx. Axhlífar svartar með ljósri miðtaug, egglaga og snubbóttar í endann. Hulstrin oftast græn, lengri en axhlífarnar, stundum brúnmóleit, stutttrýnd eða trjónulaus. Blómgast í júní. 2n = 83, 84, 85.LÍK/LÍKAR: Stinnastör. Stinnastör er með þéttstæðari og færri kvenöx, niðurbeygðar blað¬rendur, sterklegar bogsveigðar renglur, dekkri hulstur og slíðrur stoðblaðs eru gljáandi og svört.

Heimildir

1,2,3,9, HKr, http://www.efloras.org/florataxon.aspx?flora_id=1&taxon_id=242357357

Reynsla

“Mjög breytileg tegund og þykir góð beitarjurt. Oftast nefnd mýrastör eða starungur, en einnig mjógresi, dregið af vaxtarlagi, og þjalargras, vegna þess hve blöð og stönglar eru snörp”. (Ág. H.)

Útbreiðsla

Mjög algeng um land allt, utan þurru svæðanna norðan jökla.Önnur náttúruleg heimkynni t.d.: Grænland, N Ameríka, Evrópa, V Asía.