Carex subspathacea

Ættkvísl

Nafn

subspathacea

Íslenskt nafn

Ætt

Cyperaceae (Stararætt)

Samheiti

Carex hoppneri Boott; C. salina Wahlenberg var. subspathacea (Wormskjold) Tuckerman

Lífsform

Fjölær grasleitur einkímblöðungur

Kjörlendi

Vex í flæðum eða mýrum við sjó, yfirleitt í þéttum breiðum neðarlega á sjávarflæðum.

Blómgunartími

Maí-júní

Hæð

0.03 - 0.10 m

Vaxtarlag

Öll jurtin oftast mjög gulleit, smágerð og með skriðulum jarðstönglum. Stráið stutt og ber oft öx alveg niður að grunni, 3-10 sm á hæð.

Lýsing

Blöðin á lengd við eða ívið hærri en öxin, mjó og rennulaga, 1-3 mm á breidd, oft bogsveigð út frá tiltölulega háum slíðrum, sjaldnar flöt eða með niðursveigðum jöðrum.Venjulega tvö lítil, stuttleggjuð, upprétt, blómfá kvenöx og eitt karlax. Axhlífar rauðleitar, grænleitar eða svartar, oft mislitar, odddregnar. Hulstrið öfugegglaga, grænleitt eða gulgrátt með stuttri trjónu. Frænin tvö. Blómgast í maí-júní. 2n = 78, 80–83.LÍK/LÍKAR: Engar.

Heimildir

1,2,3,9, HKr, http://www.efloras.org/florataxon.aspx?flora_id=1&taxon_id=242357568

Reynsla

“Flæðastörin er oft nær einráð á stórum svæðum neðst á sjávarflæðum, og myndar þéttar breiður af örstuttum blaðsprotum. Hún blómstrar snemma og er afar fljót að þroska og fella aldinin, og sést hún oft hvergi með öxum á flæðunum síðari hluta sumars”. (Ág.H.)

Útbreiðsla

Allvíða um land allt, sjaldgæfust á suðurlandi. Önnur náttúruleg heimkynni t.d.: Grænland, N Ameríka, Evrópa, Asía.