Eleocharis acicularis

Ættkvísl

Nafn

acicularis

Íslenskt nafn

Ætt

Cyperaceae (Stararætt)

Samheiti

Scirpus acicularis Linnaeus, Sp. Pl. 1: 48. 1753; Eleocharis acicularis var. gracilescens Svenson; E. acicularis var. occidentalis Svenson; E. acicularis var. porcata S. G. Smith; E. acicularis var. submersa (Nilsson) Svenson

Lífsform

Fjölær grasleitur einkímblöðungur

Kjörlendi

Vex í leirefju við síki, tjarnir og á grunnum vatnsflæðum. Allvíða á sunnan- og norðanverðu landinu, sjaldséð eða ófundin annarsstaðar t.d. á miðhálendinu.

Blómgunartími

Ág. - sept.

Hæð

0.02 - 0.08 m

Vaxtarlag

Örsmá jurt með ferstrend strá, mörg saman og mjög fíngerð, 2-8 sm á hæð. Þykkt jarðstöngla 0.25-0.5 mm.

Lýsing

Blöðin þráðlaga, 2-3 sm löng og 0.2 mm breið. Aðeins eitt örsmátt stofnstætt blað, um 2 mm langt. Tvíblóma ax á stráendanum. Axið ytt, egglaga. Axhlífarnar brúnar, rauðbrúnar eða dökkbrúnar, himnurendar með grænum miðstreng. Blómhlífarblöðin af líkri gerð. Þrír fræflar, ein fræva með þrjú fræni. Neðri hluti stílsins er gildari en efri hlutinn, langær og greindur með þverskoru frá hnotinni. Hnotin langgárótt, öfugegglaga og gulleit. Blómgast í ágúst-september. 2n = 20.LÍK/LÍKAR: Fitjaskúfur & alurt. Efjuskúfurinn er miklu fíngerðari en fitjaskúfur og með smærra axi. Alurt líkist efjuskúf óblómguð en er með heldur breiðari og stinnari blöð.

Heimildir

1,2,3,9, Hkr, http://www.efloras.org/florataxon.aspx?flora_id=1&taxon_id=242357729

Útbreiðsla

Allvíða á flæðum við vötn og ár. Á Vestfjörðum aðeins fundinn við jarðhita í Reykjarfirði nyrðri.Önnur náttúruleg heimkynni t.d.: Grænland, N Ameríka, S Ameríka, Evrópa, Asía og trúleg ílend í Ástralíu.