Epilobium anagallidifolium

Ættkvísl

Nafn

anagallidifolium

Íslenskt nafn

Ætt

Onagraceae (Eyrarrósarætt)

Samheiti

Epilobium alpinum L. p.p.Epilobium anagallidifolium var. pseudoscaposum (Hausskn.) Hulten

Lífsform

Fjölær jurt

Kjörlendi

Vex helst í snjódældum og rökum bollum til fjalla. Er þar fremur algeng en sjaldséð á láglendi og í snjóléttum sveitum.

Blómalitur

Rauðfjólublár

Blómgunartími

Júní-júlí

Hæð

0.02-0.10 m

Vaxtarlag

Lágvaxin rauðleit og dökkgræn fjallajurt, 2-10 (-15) sm á hæð. Stönglar tvíhliðhærðir, kengbognir á blómgunartíma en réttast upp þegar aldin þroskast.

Lýsing

Blöðin smá, 1-1,5 sm á lengd, og 3-6 mm á breidd, hárlaus, gagnstæð, öfugegglaga, oddbaugótt eða lensulaga, oftast snubbótt í endann, oftast örlítið tennt en stundum nær heilrend. Blómin smá, rauðfjólublá, oftast aðeins eitt eða tvö saman, 5-7 mm á stærð. Bikarinn oftast rauður. Fræflar fjórir og ein fjórblaða fræva með einu óskiptu fræni. Frævan er undir yfirsætnu blómi og klofnar í fjórar ræmur við þroska. Fræva með hvítum svifhárum. Blómgast í júní-júlí. LÍK/LÍKAR: Auðþekkt á kengbognum stöngli og stærðinni.

Heimildir

1,2,3,9, HKr

Útbreiðsla

Algeng til fjalla um land allt, en fremur sjaldséð á láglendi.Önnur náttúruleg heimkynni t.d.: Arktísk, N Ameríka, Evrópa