Gentianella amarella

Ættkvísl

Nafn

amarella

Ssp./var

ssp. septentrionalis

Höfundur undirteg.

(Druce) N.M. Pritchard, Watsonia 4: 235 (1960)

Íslenskt nafn

Ætt

Gentianaceae (Maríuvandarætt)

Samheiti

Gentianella amarella subsp. druceana Pritchard

Lífsform

Einær jurt

Kjörlendi

Vex í þurru-meðalröku graslendi, brekkum og móum.

Blómalitur

Grænblár-gulhvítur

Blómgunartími

Ágúst

Hæð

0.08-0.25 m

Vaxtarlag

Einær ljósgræn jurt, allt að 25 sm á hæð. Stönglar strendir, marggreinóttir, uppréttir, blöðóttir og oft með fjólubláum blæ. Öll plantan hárlaus.

Lýsing

Blöðin gagnstæð, heilrend, stilklaus eða því sem næst, lensulaga eða egglensulaga, 1,5-2 sm á lengd; Blómin fimmdeild, grænbláleit eða gulhvít, nokkur saman á löngum leggjum úr blaðöxlunum. Krónan pípulaga, 1,5-2 sm á lengd og 4-5 mm á breidd, skert niður í fjórðung. Krónublöðin gulgræn eða grænhvít, með þráðlaga, hvíta ginleppa að innanverðu við opið á krónupípunni. Bikarinn oft um helmingi styttri en krónan, skertur niður fyrir miðju. Fimm grænir bikarflipar, lensulaga, odddregnir, afar mislangir, þeir lengstu jafnlangir eða ívið lengri en krónan. Blómgast í ágúst. LÍK/LÍKAR: Maríuvöndur. Grænvöndurinn auðþekktur á því að bikar er með fimm granna flipa en einnig á lit blóma. Blómlitur er þó nokkuð breytilegur því sumir maríuvendir eru með ljós eða jafnvel hvít blóm.

Heimildir

1,2,3,9, HKr

Útbreiðsla

Nokkuð algeng um land allt en þó ekki á miðhálendinu. Algengastur við Eyjafjörð og á Fljótsdalshéraði. Önnur náttúruleg heimkynni t.d.: Bretland