Harrimanella hypnoides

Ættkvísl

Nafn

hypnoides

Íslenskt nafn

Ætt

Ericaceae (Lyngætt)

Samheiti

Cassiope hypnoides (L.) D. Don

Lífsform

Dvergrunni

Kjörlendi

Vex til heiða og fjalla í snjódældum, snöggum bölum og rökum brekkum og mólendi, oft í þéttum breiðum. Finnst síður á láglendi.

Blómgunartími

Maí-júní

Hæð

0.02-0.10 n

Vaxtarlag

Örsmár, jarðlægur, marggreindur, sígrænn smárunni, sem líkist mosa við fyrstu sýn. Sprotar uppsveigðir, 2-10 sm á lengd. Blaðsprotar þéttblöðóttir.

Lýsing

Blöðin eru smá, barrlík og sígræn, heilrend og odddregin, 2-3 mm á lengd. Blaðrendur niðurorpnar eins og algengt er meðal tegunda af lyngættinni. Blómin drúpandi, bjöllulaga, 5-7 mm í þvermál, endastæð á löngum, fínhærðum, dumbrauðum blómleggjum sem eru 6-12 mm á lengd. Krónan hvít eða gulhvít, samblaða, djúpklofin, krónufliparnir snubbóttir. Bikarblöðin u.þ.b. helmingi styttri en krónublöðin, dökkrauð og oddmjó. Fræflar 10 með tveim löngum, þráðmjóum hornum út úr frjóhirslunum. Ein fimmblaða fræva sem myndar hýðisaldin við þroskun. Aldinið opnast með fimm langrifum. Hýðisleggir uppréttir. Blómgast í maí-júní. LÍK/LÍKAR: Engar. Auðþekkt á sínum smáu, drúpandi bjöllulaga blómum með rauðum bikarblöðum.

Heimildir

1,2,3,9

Útbreiðsla

Algengt um land allt upp til fjalla og heiða.Önnur náttúruleg heimkynni t.d.: N Evrópa (Norgegur, Svíþjóð, Finnland t.d.), smávegis í N Ameríku