Honkenya peploides

Ættkvísl

Nafn

peploides

Ssp./var

ssp. diffusa

Höfundur undirteg.

(Hornem.) Hultén

Íslenskt nafn

Ætt

Caryophyllaceae (Hjartagrasaætt)

Lífsform

Fjöær jurt

Kjörlendi

Vex í fjörum, einkum í sandi eða möl.

Blómalitur

Hvítur

Blómgunartími

Júní-júlí

Hæð

0.10-0.50 m

Vaxtarlag

Fremur hraðvaxta fjöruplanta með rótskeyttum ofanjarðarstönglum. Þar sem þeir eru oft huldir sandi verða þeir litlausir vegna ljósskorts. Stönglar og blöð hárlaus. Stönglar þéttblöðóttir, með tveim raufum að endilöngu, nær ferstrendir, uppréttir eða uppsveigðir og kvíslgreindir og geta orðið 10-50 sm að lengd og getur ein planta því stundum breitt svo úr sér, að hún nái allt að metra í þvermál.

Lýsing

Blöðin gulgræn, þykk og safarík, egglaga eða öfugegglaga, oddbaugótt, heilrend, stilklaus, gagnstæð, 1-2,5 sm á lengd og 5-15 mm á breidd. Blómin hvít, fimmdeild, stök eða í blómfáum skúf á greinaendum, 8-15 mm í þvermál. Krónublöðin, öfughjarta- eða spaðalaga, naglmjó. Bikarblöð álíka löng eða aðeins lengri en krónublöð, græn, egglaga og odddregin. Fræflar 10, ein fræva með þrem (til fjórum) stílum. Aldin hnöttótt, allstórt grænt hýðisaldin (ber) og var plantan því stundum nefnd berjaarfi. Yfirleitt sérbýli, þ.e. annaðhvort bara kvk blóm eða bara kk blóm á einstaklingum tegundarinnar. Blómgast í júní.LÍK/LÍKAR: Engar. Auðþekktur á þykkum, kjötkenndum og safaríkum, blöðum og á heimkynnum sínum.

Heimildir

1,2,3,9, HKr

Reynsla

“Nafnið berjaarfi er til komið af aldininu, sem er hnöttótt, en smeðjukál af bragði blaða.” (Ág.H.)

Útbreiðsla

Algengur kring um land allt. Fjöruarfinn getur vaxið nokkra kílómetra frá sjó, þar sem víðáttumiklir, samfelldir sandar ná inn í land frá fjörunni. Önnur náttúruleg heimkynni t.d.: Danmörk, Finnland, Frakkland, Þýskaland, Japan, Pottúgal, Spánn, Stóra Bretland, N Ameríka.