Myosotis stricta

Ættkvísl

Nafn

stricta

Íslenskt nafn

Ætt

Boraginaceae (Munablómaætt)

Samheiti

Myosotis micrantha auct., sensu Med Checkl. Myosotis rigida PomelMyosotis vestita Velen.

Lífsform

Einær jurt

Kjörlendi

Sendnar brekkur og þurrir melar.

Blómalitur

Dökkblár, hvít við ginið

Blómgunartími

Júní-júlí

Hæð

0.05-0.10 m

Vaxtarlag

Lágvaxin, fíngerð, einær, lágvaxin jurt, oftast 5-10 sm en stundum hærri. Stönglar fíngerðir með fáum, lensulaga eða mjóöfugegglaga, snubbóttum blöðum. Blómskipanir eru blöðóttar neðan til.

Lýsing

Fyrir blómgun eru blómin í uppvafinni hálfkvísl sem réttir síðan úr sér og líkist þá klasa. Blómin mjög lítil, krónan aðeins um 2 mm í þvermál, dökkblá, hvít innst við blómginið. Bikarinn fimmtenntur með útstæðum krókhárum, klofinn til miðs eða dýpra. Fræflar fimm. Ein fræva, sem verður að ferkleyfu klofaldini. Aldinleggir aðlægir að stönglinum, miklu styttri en bikarinn. Blómgast í júní-júlí. 2n=48.LÍK/LÍKAR: Gleym-mér-ei. Sandmunablómið þekkist frá henni á örsmáum blómum og örstuttum aldinleggjum (styttri en bikarinn). Kisugras (Myosotis discolor) er sjaldgæfur slæðingur á Suður- og Suðvesturlandi og er það nokkuð líkt sandmunablómi. Það hefur líka örstutta aldinleggi, en þeir eru útréttir eftir að blómin eru fallin, blómin hvít- eða gulleitari.

Heimildir

1,2,3,9, HKr

Útbreiðsla

Allvíða á Vestfjörðum og vestanverðu Norðurlandi austur fyrir Eyjafjörð. Annars mjög sjaldgæft. Önnur náttúruleg heimkynni t.d.: Argentína, Kanada, Mexíkó, Marakkó, Nýja Sjáland, Evrópa, N Ameríka.