Poa nemoralis

Ættkvísl

Nafn

nemoralis

Íslenskt nafn

Ætt

Poaceae (Grasaætt)

Lífsform

Fjölær grastegund (einkímblöðungur)

Kjörlendi

Vex einkum í urðum, hraunum og runnlendi.

Blómgunartími

Júní-júlí

Hæð

0.15 - 0.75 m

Vaxtarlag

Lausþýfð. Stráin oftast mörg saman, en mismunandi þétt, grönn og beinvaxin, aðeins lítið eitt sveigð neðst, með brúnleitum hnjám og blöðum langt upp eftir, 15-75 sm á hæð.

Lýsing

Blöðin ljósgræn, mjóslegin og fremur lin. Slíðurhimnan stutt, snubbótt eða nær þverstýfð. Punturinn mjór og gisinn. Smáöxin oftast blómfá, stundum aðeins tvíblóma, gulgræn, bláleit eða blámóleit. Axagnirnar ná langt upp á smáaxið. Blómgast í júní-júlí. 2n = 14, 35, 70.LÍK/LÍKAR: Blásveifgras. Tegundin ekki auðgreind frá blásveifgrasi en er grænni, með fleiri og grennri strá, punturinn minna greindur og með færri smáöxum.

Heimildir

1,2,3,9, HKr, http://www.efloras.org/florataxon.aspx?flora_id=2&taxon_id=200026017

Útbreiðsla

Á víð og dreif um landið, ófundið á svæðinu frá Þistilfirði austur til Vopnafjarðar. Önnur náttúruleg heimkynni t.d.: Asía, Evrópa, ílend í N Ameríku.