Vex í stöðuvötnum og lygnum ám, einkum þar sem jarðhiti eða volgir lækir ná að hita upp vatnið.
Blómalitur
Óásjáleg blóm
Blómgunartími
Júlí-ágúst
Hæð
0.30-1 m (eftir vatnsdýpi)
Vaxtarlag
Fjölær, einkímblaða vatnajurt, sem vex á kafi að öllu eða einhverju leyti. Stönglar þéttblöðóttir og greindir, 30-100 sm á hæð/lengd.
Lýsing
Blöðin þéttstæð, dökkgræn, stilklaus, venjulega stutt en fremur breið (3-6 x 1,5-2,5 sm), snubbótt, hjartalaga, egglaga eða sporbaugótt, dálítið rykkrend og afar fíntennt, niðurbreið, bogstrengjótt og greipfætt um stöngulinn. Blómin tvíkynja, fjórir fræflar og fjórar frævur. Blómin allmörg saman, örsmá, í 1-2 sm löngu og um 5 mm breiðu, brúnu endastæðu axi sem stendur upp úr vatninu. Axleggirnir stuttir og bognir, oft margir saman. Fræflar með áföstum grænbrúnum bleðlum sem líkjast blómhlíf. Aldin ljósmógræn, um 3 mm á lengd. Blómgast í júlí-ágúst. LÍK/LÍKAR: Langnykra. Hjartanykran auðþekkt á hlutfallslega stuttum og breiðum blöðum. Blöð langnykru eru 7-10 sinnum meiri á lengdina en breiddina.
Heimildir
1,2,3,9, HKr
Útbreiðsla
Víða um land, einkum í vötnum sem hitna á sumrin, sjaldgæf á Vestfjörðum og Norðausturlandi, ófundin á Miðhálendinu. Önnur náttúruleg heimkynni t.d.: Ástralía, Tasmanía, Evrópa, N Ameríka, Kanada, Kína, Indland, Japan ov.