Puccinellia capillaris

Ættkvísl

Nafn

capillaris

Íslenskt nafn

Ætt

Poaceae (Grasaætt)

Samheiti

P. maritima (Huds.) Parl,; P. distans (L.) Parl. ssp. borealis (Holmb.) W. E. Hughes, P. retroflexa auct., P. suecica (Holmb.) Holmb.

Lífsform

Fjölær grastegund (einkímblöðungur)

Kjörlendi

Vex á sjávarflæðum og sjávarklöppum, stundum í söltum dýjum allfjarri sjó.

Blómgunartími

Júlí

Hæð

0.05 - 0.25 m

Vaxtarlag

Vex meira og minna í toppum, 5-25 sm á hæð með 2-4 hnjám. Að blómgun lokinni vaxa skriðulir blaðsprotar eða renglur út úr þúfunum.

Lýsing

Blöðin ljósblágræn, mjúk og hárlaus, hálfsívöl, frekar grönn eða aðeins 1-1,5 mm í þvermál. Stöngulblöðin stundum flöt eða samanlögð neðantil. Puntgreinarnar grannar, alltaf uppréttar, þær neðstu þó stundum útstæðar. Smáöxin fjólublá, mjó, 3-8-blóma. Axagnir stuttar, grænar eða fjólubláar með breiðum himnufaldi, tenntar eða skertar í endann. Efri axögnin oft helmingi lengri en sú neðri. Blómagnir oftar grænar en fjólubláar, sú neðri 3-4 mm á lengd. Blómgast í júlí. LÍK/LÍKAR: Varpafitjungur (Puccinellia distans) líkist sjávarfitjungi, vex í þéttum toppum en er með mun lengri puntgreinar sem beinast meira út og jafnvel niður. Hann er ekki aðeins bundinn við ströndina heldur vex hann stundum kringum bæi upp til sveita. Algengari þó í malarfjörum eða á sjávarflæðum.

Heimildir

HKr, Clayton, W.D., Harman, K.T. and Williamson, H. (2006 onwards). GrassBase - The Online World Grass Flora. http://www.kew.org/data/grasses-db.html. [accessed 2 Feb. 2007]

Útbreiðsla

Algengur með ströndum fram um land allt.Önnur náttúruleg heimkynni t.d.: Evrópa, Afríka, N Ameríka, Kanada, Arktísk, Kína, Nýja Sjáland ov.