Rosa dumalis

Ættkvísl

Nafn

dumalis

Íslenskt nafn

Ætt

Rosaceae (Rósaætt)

Samheiti

Rosa glauca Vill. ex Loisel.Rosa reuteri (Godet) ReuterRosa vosagiaca Déségl.Rosa afzeliana subsp. vosagiaca (Desp.) R. Keller & GamsRosa dumalis subsp. dumalisRosa glauca subsp. reuteri (Godet) HayekRosa vosagiaca subsp. vosagiacaRosa canina var. vosagiaca Desp.

Lífsform

Runni

Kjörlendi

Kjarrlendi og gróðursælar hlíðar.

Blómalitur

Ljósrauður

Blómgunartími

Júlí-ágúst

Hæð

0.5-1.5 m

Vaxtarlag

Allhár runni sem verður 50 – 150 sm á hæð. Greinar fremur gisnar, bogsveigðar og lútandi með klóleitum, bognum, hliðflötum þyrnum.

Lýsing

Blöðin stakfjöðruð, með tveim til þrem gisnum hliðarpörum. Smáblöðin oft blágræn, fremur gisstæð, egglaga eða sporbaugótt, hvasstennt, oftast ydd, 2-3,5 á lengd og 1,5-2,5 sm á breidd. Axlablöðin löng lykja um stilkinn á allöngum kafla, oftast um 1-1,5 sm. Blómin eru bleik-ljósrauð, 4-6 sm í þvermál, krónublöðin öfughjartalaga, 2-3 sm löng. Bikarblöðin langæ, upp eða útsveigð og oddlöng um 1,5 sm. Hjúpaldinið gulrautt, hárlaust og egglaga. Blómgast aðeins í ræktun hérlendis. 2n = 35. LÍK/LÍKAR: Engar. Glitrósin auðþekkt á blómlit, gisnum þyrnum og stórum axlablöðum.

Heimildir

2,3,9, HKr

Útbreiðsla

Mjög sjaldgæf. Hefur aðeins fundist í Vestrihvammi í Öræfum (Kvískerjum). Vex þar í allmiklum breiðum innan um birkikjarr í hlíð mót suðri. Önnur náttúruleg heimkynni t.d.: Evrópa, N Ameríka.