Sagina nodosa

Ættkvísl

Nafn

nodosa

Ssp./var

ssp. borealis

Höfundur undirteg.

G.E. Crow.

Íslenskt nafn

Ætt

Caryophyllaceae (Hjartagrasaætt)

Samheiti

Sagina nodosa var. borealis (Crow) Cronq.

Lífsform

Fjölær jurt

Kjörlendi

Vex í sendnum jarðvegi á melum og vegköntum og í flögum.

Blómalitur

Hvítur

Blómgunartími

Júní-júlí

Hæð

0.03-0.08 m

Vaxtarlag

Dökkgræn-rauðgræn, fremur óásjáleg planta 3-8 sm á hæð. Margir grannir, marggreindir stönglar vaxa út frá miðju, hnúskóttir af smáblaðsprotum sem eru í blaðöxlunum og minna á litla lauka. Þegar plantan deyr falla hnúskarnir af og verða að nýjum einstaklingum.

Lýsing

Blöðin gagnstæð, þráðmjó eða striklaga 2-7 mm á lengd, broddydd. Stöngulblöð styttri en stofnblöðin, styttast eftir því sem ofar dregur og eru örsmá efst á stönglum.Blómin hvít, fimmdeild, á uppréttum blómleggjum, 7-8 mm í þvermál. Blómleggir álíka langir og efstu stöngulliðirnir. Krónublöðin töluvert lengri en bikarblöðin, krónan opin, krónublöð sporbaugótt. Bikarblöðin taugalaus, himnurend, sporbaugótt, græn. Fræflar 10, ein fræva með 5 stílum. Blómgast í júní-júlí. LÍK/LÍKAR: Skeggsandi. Hnúskakrækill auðþekktur frá honum á mjórri blöðum og á hnúskunum.

Heimildir

1,2,3,9, HKr

Útbreiðsla

Algengur á láglendi en fremur sjaldgæfur uppi á hálendinu.Önnur náttúruleg heimkynni t.d.: Kanada, Grænland, Indland, Mexíkó, Nýja Sjáland, N Ameríka, Evrópa.