Salix phylicifoia

Ættkvísl

Nafn

phylicifoia

Íslenskt nafn

Ætt

Salicaceae (Víðiætt)

Samheiti

Salix hibernica Rech. fil.

Lífsform

Runni (- lítið tré)

Kjörlendi

Vex einkum þar sem nokkur jarðraki er, meðfram ám og lækjum, í móum og innan um birki og hrískjarr og myndar oft þétt kjarr í deiglendi og skjóli, þar sem beit er lítil.

Blómgunartími

Maí-júní

Hæð

1-5 m

Vaxtarlag

Runni eða lágvaxið, margstofna, greinótt tré, stærri inn til landsins en lægri úti við ströndina, 1-5 metrar á hæð. Oft alveg jarðlægur þar sem beit er að staðaldri. Greinarnar hárlausar, uppsveigðar eða uppréttar, stinnar, ólífvugrænar-rauðgljáandi og seigar.

Lýsing

Blöðin með örfínar tennur á blaðjöðrum, skinnkennd, lensulaga eða oddbaugótt, hárlaus, dökkgræn og gljáandi á efra borði en blágrádöggvuð á neðra borði, 3-5 sm á lengd og 1-2 sm á breidd. Blaðrendur niðurorpnar. Hálfvaxin blöð ofurlítið hærð, einkum á röndunum, en fullvaxin eru blöðin hárlaus. Blómin einkynja, í 2-4 sm löngum reklum á stuttum og blaðsmáum leggjum. Rekilhlífarnar með löngum hárum, ljósmóleitar. Fræflarnir tveir í hverju karlblómi. Frævan loðin, stíll og fræni gulgrænleit að lit. Blómgast í maí-júní. LÍK/LÍKAR: Engar. Gulvíðir er auðþekktur á gljáandi, hárlausum blöðum með örfínum tönnum á blaðröndum.

Heimildir

1,2,3,9, HKr

Útbreiðsla

Algengur um land allt. Önnur náttúruleg heimkynni t.d.: Kanada, Mexíkó, Rússland, N Ameríka (aðall. í Alaska).