Urtica dioica

Ættkvísl

Nafn

dioica

Íslenskt nafn

Ætt

Urticaceae (Netluætt)

Lífsform

Fjölær jurt

Kjörlendi

Vex sem slæðingur í grennd við hús og bæi. Fremur sjaldgæf.

Blómalitur

Grænn

Blómgunartími

Júlí

Hæð

0.40-1.20 m

Vaxtarlag

Stönglar ferstrendir meira eða minna uppréttir, þéttblöðóttir, 40-120 sm á hæð. Blaðstilkar og blómskipanir alsett sérstökum, grófum brennihárum, hárin 1-2 mm á lengd, hvert hár á litlum fæti.

Lýsing

Blöðin dökkgræn, gagnstæð, stilkuð, 5-10 sm á lengd og 1,5-6 sm á breidd. Blaðkan gróftennt, hjartalaga eða egglaga, langydd með gisstæðum brennihárum. Blómin einkynja, örsmá, í samsettum, hnúskóttum blómskipunum úr blaðöxlunum. Blómhlífarblöðin fjögur, um 1 mm á lengd, grágræn. Sambýli, fjórir fræflar í karlblómunum, en ein fræva í kvenblómunum. Blómgast í júlí. 2n=52.LÍK/LÍKAR: Smánetla. Smánetlan er mun minni, með tvíkynja blóm og því að ljósgrænni mun minni og kringlóttari blöð með mun grófari og útstæðari tönnum.

Heimildir

1,2,3,9, HKr

Útbreiðsla

Hefur verið ræktuð víða a.m.k. síðan 1890 en líklega miklu lengur, og verið flutt á milli staða, vex víða sem eftirlega en dreifist ekki mikið.Önnur náttúruleg heimkynni t.d.: Argentína, Ástralía, Evrópa, N og S Ameríka, Kína, Íran, Líbanon, Mexíkó, Nýja Sjáland, Pakistan, Rússland, S Afríka, Turkmenistan, Úkraína, Uzbekistan og víðar.