Abies procera

Ættkvísl

Nafn

procera

Íslenskt nafn

Ætt

Þallarætt (Pinaceae).

Samheiti

Abies nobilis

Lífsform

Sígrænt tré.

Kjörlendi

Hálfskuggi, skjól.

Blómalitur

♂ blóm gulbrún, ♀ blóm dökk.

Blómgunartími

Júní.

Hæð

7-15m (-60m)

Vaxtarlag

Beinvaxið með grannri og keilulaga krónu, reglulegur vöxtur, greinar útstæðar, láréttar, kransstæðar.

Lýsing

Árssprotar þaktir ryðbrúnum hárum, gulir í fyrstu síðar purpurabrúnir, börkur í fyrstu gráleitur og sléttur með harpixblöðrum á ungum trjám. Barr bandlaga, 2,5-3,5 cm x 1,5-1,8 mm, snubbótt, dökkblágrænt með varaopsrákir bæði á efra og neðra borði, þéttstætt og þekur alveg árssprotana að ofanverðu, þétt aðlægt við grunninn og veit upp og fram á við, skiptast ögn neðan á sprotunum og þar eru nálar útstæðar. Gulbrún karlblóm og dökk kvenblóm, könglar uppréttir á 2 ára greinum, 14-25 cm að lengd, sívalir, með þeim stærstu hjá ættkvíslinni, gulgrænir í fyrstu en verða purpurabrúnir fullþroskaðir, köngulhreistur mjög áberandi utan á könglinum, stoðblöð ydd, löng, ljósgræn og niðursveigð. Brum hnattlaga mjó, útstæð 15-35mm.

Uppruni

NV N Ameríka.

Harka

5

Heimildir

1,9

Fjölgun

Með fræi (forkæla fræið í 1 mánuð fyrir sánngu), vetrargræðlingar.

Notkun/nytjar

Skógartré í góðu skjóli, beð, stakstæð og sem jólatré.

Reynsla

Í uppeldi í garðinum og lítt reynd enn sem komið er. Þolir vel klippingu.

Yrki og undirteg.

Abies procera 'Glauca' blár eðalþinur er til í Reykjavík með bláhvítar til silfurgráar barrnálar og útbreiddara vaxtarlaga (fjölgað með ágræðslu).