Acer sieboldianum

Ættkvísl

Nafn

sieboldianum

Íslenskt nafn

Ætt

Hlynsætt (Aceraceae)

Lífsform

Runni - lítið tré

Kjörlendi

Sól og skjól

Blómalitur

Fölgulgrænn

Blómgunartími

Vor

Hæð

6 m (- 10 m í heimk.)

Vaxtarlag

Tré eða runni allt að 10 m há í heimkynnum sínum, en allt að 6 m í ræktun.

Lýsing

Börkur ljósgrár. Ungar greinar grábrúnar eða með munstur sem minna á köngulóarvef og stundum með þétt, úfið hár meðan þær eru ungar. Lauf með 7-11 egglaga-aflanga flipa, oftast með 9 flipa, kringluleit. Dökkgræn ofan, oft með purpuralita jaðra, æðastrengir dúnhærðir á neðraborði, jaðrar tvísagtenntir, tennur vísa fram. Blómskipunin upprétt, oft þétthærð, með 15-20 fölgulgræn blóm. Aldin allt að 2 sm, hnotir hnöttóttar, með áberandi æðum. Vængir mætast í gleiðu horni.

Uppruni

Japan.

Harka

6

Heimildir

1, 2

Fjölgun

Sá fræjum um leið og þau eru þroskuð eða verið forkæld.

Notkun/nytjar

Í raðir, í beð.

Reynsla

Í Lystigarðinum er til ein planta sem sáð var til 1982 og gróðursett í beð 1991, kól dálítið framan af, en lítið í seinni tíð.