Amelanchier alnifolia

Ættkvísl

Nafn

alnifolia

Íslenskt nafn

Ætt

Rósaætt (Rosaceae)

Samheiti

Aronia alnifolia Nuttall, Amelanchier canadensis v. alnifolia Torrey & Gray, : canadensis v. florida Schneider, A. oreophila A. Nelson pro parte

Lífsform

Runni

Kjörlendi

Sól

Blómalitur

Hvítur

Blómgunartími

Maí-júní

Hæð

2-4 m

Vaxtarlag

Runni eða lítið tré 2-4 m á hæð, stíf-upprétt, margstofna, oftast með stutta, skriðular hliðarrenglur. Greinar hvít-lóhærðar í fyrstu, hárlausar og rauðleitar áður en langt um líður.

Lýsing

Lauf 2-5,5 sm, þykk, breiðegglaga eða næstum kringlótt, oddur venjulega þverstýfður (sjaldan yddur), grunnur bogadreginn eða næstum hjartalaga. Laufin gróftennt ofan við miðju, æðastrengjapör 7-12. Blómklasar allt að 4 sm, uppréttir, með 5-15 blóm. Krónublöð 0,8-1,6 sm, öfuglensulaga, mjókka að grunni, rjómahvít. Aldin um 1 sm breið, dökkblá, safarík og æt.

Uppruni

Vestur og mið N-Ameríka.

Harka

2

Heimildir

1, 10

Fjölgun

Sáning, sumargræðlingar.

Notkun/nytjar

Í beð, í þyrpingar.

Reynsla

Í Lystigarðinum eru 4 plöntur undir þessu nafni sem sáð var til 1981 og gróðursettar í beð 1985, hafa kalið lítið sem ekkert gegnum árin.Harðgerður í LA, kelur lítið sem ekkert (Spont.: Kanada, BC, Peace River District), - A. alnifolia vísar til Þess að blöðin líkjast elriblöðum, fer snemma af stað á vorin en lýkur vexti snemma hausts. Æt ber. Töluverður breytileiki er gjarnan í tegundum af þessari ættkvísl þar sem þær víxlast gjarnan í náttúrunni og jafnvel færustu grasafræðingar eiga erfitt með að greina þær.

Yrki og undirteg.

Amelanchier alnifolia v. semiintegrifolia - sjá næstu síðu