Berberis thunbergii

Ættkvísl

Nafn

thunbergii

Íslenskt nafn

Ætt

Mítursætt (Berberidaceae)

Lífsform

Runni

Kjörlendi

Sól

Blómalitur

Gulur með rauð slikju

Blómgunartími

Júní (lok maí í bestu árum)

Hæð

1 m

Vaxtarlag

Lauffellandi runni, allt að 1 m á hæð.

Lýsing

Greinar eru kantaðar, dökkrauðar, greyptar, þyrnar stakir. Lauf allt að 2×1,5 sm, egglaga, snubbótt, heilrend, ólífugræn ofan, grá-nöbbótt neðan. Blóm allt að 5 talsins, í hálfsveip, gul með rauða slikju. Aldin legglaus, sporvala, rauð, glansandi, allt að 8 mm. Enginn stíll. Þolir vel klippingu eins og aðrir broddar, falleg rauð ber að hausti.

Uppruni

Japan.

Sjúkdómar

Ónæmur fyrir ryðsvepp.

Harka

4

Heimildir

1

Fjölgun

Sumargræðlingar, haustsáning, 10 sm græðlingar með hæl síðsumars

Notkun/nytjar

Í þyrpingar, stakstæð, blönduð beð, brekkur

Reynsla

Í Lystigarðinum eru til tvær plöntur undir þessu nafni, sú eldri var fengin úr gróðrarstöð 1981 og gróðursett í beð það sama ár. Hefur kalið ögn flest ár einkum framan af en ekkert í seinni tíð. Til hinnar var sáð 1995 og hún gróðursett í beð 2004. ---

Yrki og undirteg.

'Atropurpurea' - blóðbroddur, yrki með blá-rauðfjólublá blöð hefur verið lengi í ræktun hérlendis. Önnur yrki eru t.d. 'Erecta' upprétt planta, 'Green Ornament' dökk grænt lauf, 'Vermilion' skær rauðir haustlitir, 'Dart's Red Lady' purpurarauð blöð - síðar skarlatsrauð, 'Red Chief' upprétt planta að 2 m, 'Harlequin' þéttvaxin planta, 'Pink Queen' með flekkótt og rauðleit blöð, 'Rose Glow' flekkótt, 'Silver Beauty' smávaxið yrki, 'Atropurpuea Nana' smágert yrki, 'Aurea' gullið, 'Green Carpet' lágvaxið yrki og útbreitt, 'Kobold', 'Minor' aðeins um 25 sm háar plöntur, 'Red Pillar' rauðleit blöð, 'Golden Ring' blöð með gullnum kanti og fleiri mætti nefna.