Boykinia aconitifolia

Ættkvísl

Nafn

aconitifolia

Íslenskt nafn

Ætt

Steinbrjótsætt (Saxifragaceae).

Lífsform

Fjölær jurt.

Kjörlendi

Sól, hálfskuggi.

Blómalitur

Hvítur.

Blómgunartími

Júlí.

Hæð

40-60 sm

Vaxtarlag

Fjölæringur með stuttan jarðstöngul. Blóm tvíkynja, líti,l í samsettum klasa sem fljótt á litið líkist mjög greinóttri, puntlíkri blómskipan, blaðfáir blómstönglar, blöðin flest í stofnhvirfingu við grunninn, myndar þétta brúska.

Lýsing

Grunnlauf kirtildúnhærð, 4-8 x 5-13 sm, kringlótt til nýrlaga, skipt til hálfs í 5-9 hvasstennta flipa sem aftur eru sepóttir og gróftennntir. Blaðstilkar allt að 10 sm langir. Stöngullauf stilkstutt. Blómin fremur lítil en fjölmörg. Blómskipun með lauflík stoðblöð. Blómbotn öfugkeilulaga, límugur. Bikarblöð 5, smá, lensulaga. Fræflar 5, jafnlangir krónublöðum. Krónublöð 5 talsins, 3-6 x 1-3 mm, öfugegglaga-spaðalaga, hvít.

Uppruni

A N Ameríku (fjöll).

Harka

6

Heimildir

= 1

Fjölgun

Skipting að vori eða hausti, sáning.

Notkun/nytjar

Sem undirgróður, í blönduð beð.

Reynsla

Harðgerð, að minnst kosti norðanlands. Ágætis skógarbotnsplanta. Þrífst best í léttsúrum jarðvegi.