Camassia leichtlinii

Ættkvísl

Nafn

leichtlinii

Íslenskt nafn

Ætt

Liljuætt (Liliaceae).

Lífsform

Fjölær laukjurt.

Kjörlendi

Sól.

Blómalitur

Rjómahvítur, blár eða fjólublár.

Blómgunartími

Júní-júlí.

Hæð

20-130 sm

Vaxtarlag

Laukar breiðegglag til hnöttóttir, 1,5-4 sm í þvermál með brúnt laukhýði. Lauf 4-6, 20-60 sm x 5-25 mm, skærgræn.

Lýsing

Blómstöngull 20-130 sm, ljósgrænn. Klasar gisblóma, 10-30 sm. Stoðblöð band-lensulaga um 20 mm. Blómleggir 1,5-5 sm, vita dálítið upp á við. Blómin regluleg. Blómhlífarblöð aflöng-lensulaga, rjómahvít eða blá eða fjólublá, 2-5 sm, samanundin þegar þau visna. Fræflar 1/2-3/4 af lengd blómhlífarblaðanna. Frjóþræðir hvítir eða bláleitir, frjóhnappar gulir, eggleg mjó-egglaga til aflöng, daufgræn, stíll dálítið styttri til ögn lengri en fræflarnir, hvítur.

Uppruni

V N-Ameríka.

Harka

3

Heimildir

= 1, 2

Fjölgun

Sáning, skipting á hnausum.

Notkun/nytjar

Í kanta, meðfram tjörnum og lækjum.

Reynsla

Í Lystigarðinum er til gömul planta undir þessu nafni, þrífst vel. (Er C. leichtlinii ssp. leichtlinii).

Yrki og undirteg.

ssp. leichtlinii er með rjómahvít blóm og hefur fundist villt í Oregon-fylki. --------------- ssp. suksdorfii (Greenm.) Gold. er með blá til fjólublá blóm með útbreiðslu frá British Columbia til Kaliforníu. Þessari undirtegund var sáð í Lystigarðinum 2003 og gróðursett í beð 2006. ------------------Mörg litbrigðanna hafa fengið nöfn yrkja og eru ef til vill eftirsóknarverðustu plönturnar til garðræktar hjá þessar ættkvísl.