Chamaecyparis lawsoniana

Ættkvísl

Nafn

lawsoniana

Íslenskt nafn

Ætt

Sýprisætt (Cupressaceae).

Lífsform

Sígrænn runni - lítið tré.

Kjörlendi

Sól - hálfskuggi.

Blómalitur

Fagurrauður.

Blómgunartími

Snemma vors.

Hæð

2-5 m (-40 m í heimk. sínum) .

Vaxtarlag

Vex sem runni hérlendis, keilulaga á unga aldri, en súlulaga er hann eldist, stuttar, margskiptar, láréttar greinar sem eru slútandi, smágreinar flatar í einum fleti, börkur rauðbrúnn, toppsprotinn (grænn ársvöxtur) drúpandi.

Lýsing

Börkur rauðbrúnn með kringlóttu hreistri, smágreinar flatar, allar í sama fleti. Nálar aðlægar, ± yddar kantnálar kjalaðar, oddur ekki aðlægur, hliðarnálar ofan og neðan á greinunum miklu minni, tígullaga oft með einn kirtil, að neðan með ógreinilega hvíta línu. Könglar fjölmargir, smáir, kúlulaga, 8 mm breiðir, blágrænir í fyrstu, þroskast á fyrsta ári, síðar brúnir með 8 köngulhreistur, hvert með samanklemmdum þrymli (nabba).

Uppruni

N Ameríka (SV Oregon til NV Kaliforníu, fjöll).

Harka

6

Heimildir

1, 7, Roloff/Bärtels 1996: Gehölze

Fjölgun

Sáning, haustgræðlingar.

Notkun/nytjar

Í þyrpingar, sem stakstæður runni, í beð, undir stór tré.

Reynsla

Í Lystigarðinum er til ein planta sem sáð var til 1991 og önnur sem sáð var 1993, kala lítið eitt stöku ár fyrstu æviárin, annars ekkert. Þrífst vel í Lystigarðinum. Þarf góða vetrarskýlingu framan af aldri. Klippingar eiga að fara fram að sumri til á öllum sýprus tegundum.

Yrki og undirteg.

Yrki skipta hundruðum erlendis og fæst Þeirra hafa verið reynd hérlendis. Í garðinum eru t.d. plöntur undir: 'Compacta', 'Erecta Glaucescens', 'Fraseri', 'Glauca, Elegans', 'Glauca', 'Kelleriis', 'Lombarts Glauca', 'Lutea', 'Minima Glauca', 'Silver Queen', 'Stewartii', ´Tiomfe van Boskoop' og fleiri.