Clematis integrifolia

Ættkvísl

Nafn

integrifolia

Íslenskt nafn

Ætt

Sóleyjarætt (Ranunculaceae)

Lífsform

Fjölær jurt

Kjörlendi

Sól

Blómalitur

Dökkfjólublár eða blár, sjaldan hvítur

Blómgunartími

Ágúst-september

Hæð

0,4-0,8 m

Vaxtarlag

Plantan er með veikbyggða stöngla sem þurfa uppbindingu og stuðning.

Lýsing

Uppréttur fjölæringur eða hálfrunni allt að 1 m hár, ógreindur eða dálítið greinótt, stilkar rauðleitir, hvítdúnhærðir. Lauf 9 × 5 sm, legglaus, heil, leðurkennd, egglaga lensulaga, ydd, heilrend, græn, hárlaus, dúnhærð einkum á æðastrengjum á neðra borði, með áberandi strengi. Blóm stjörnulaga-bjöllulaga, flöt, stök, sjaldan 2-3 saman, hangandi, endastæð, stökusinnum axlastæð, blómleggir 5 sm. Bikarblöðin dökkfjólublá eða blá sjaldan hvít, 4, sjaldan 3-4, lensulaga, allt að 5 sm, stutt-odddregin, hálfupprétt, hárlaus, ullhærð, baksveigð við jaðrana, bylguð. Fræflar víkka út, eru gulir, ullhærðir. Smáhnetur tígullaga, með fjaðurhærðan, gulan, ullhærðan stíl.

Uppruni

SA Evrópa til A-Asía

Harka

3

Heimildir

1,7

Fjölgun

Sáning, en yrkjum er fjölgað með skiptingu

Notkun/nytjar

Í fjölæringabeð.

Reynsla

Harðgerð. Í Lystigarðinu eru til þrjár gamlar plöntur, sem þrífast mjög vel og blómstra.

Yrki og undirteg.

Alba er með hvít blóm.