Colchicum speciosum

Ættkvísl

Nafn

speciosum

Íslenskt nafn

Ætt

Liljuætt (Liliaceae).

Lífsform

Fjölær jurt með hnýði.

Kjörlendi

Sól, hálfskuggi.

Blómalitur

Föl til djúp bleikpurpura.

Blómgunartími

Ágúst-september.

Hæð

20-25 sm

Vaxtarlag

Fjölær jurt með hnýði. Hnýðin 5-8 x 2,5-4 sm, aflöng-egglaga, hnýðishýði dauf-millibrún, pappírskennt til hálf-leðurkennt lengist í langæjan háls, allt að 12 sm langan. Lauf 18-25 x 5,5-9,5 sm, vaxa að blómgun lokinni, meira eða minna upprétt, mjó-oddbaugótt til aflöng-lensulaga, hárlaus.

Lýsing

Blóm 1-3, bjöllulaga (ekki trektlaga eins og hinn náskyldi Colchicum gigantheum). Blómhlífartrekt græn eða purpura með hvíta slikju, flipar 4,5-8 x 1-2,7 sm, öfuglensulaga til aflöng-öfuglensulaga eða oddbaugótt, föl til djúp bleikpurpura, stundum hvít eða hvít í ginið, dúnhærð eftir hryggjunum í frjóþráðagrópunum. Frjóþræðir 1-1,8 sm, hárlausir. Frjóhnappar 1-1,2 sm, festir á bakinu, appelsínugulir-gulir, frjó djúpgult. Stíll boginn en ekki eða aðeins lítillega útblásinn í oddinn. Fræni ná 2-4 mm niður eftir stílnum. Aldin 4-5 sm, oddbaugótt.

Uppruni

N Tyrkland, Íran, Kákasus.

Harka

6

Heimildir

= 1

Fjölgun

Sáning (nýtt fræ), skipting á hnausnum þegar plantan er í dvala. Hnýði sett niður í ágúst, 10-15 sm djúpt.

Notkun/nytjar

Í steinhæðir, sem undirgróður, í kanta.

Reynsla

Ekki í Lystigarðinum 2015.Meðalharðgerð, öll plantan er eitruð.

Yrki og undirteg.

'The Gigant' með stór ljósrauðfjólublá blóm, 'Violet Queen' með rauðfjólublá blóm, 'Water Lily' með ofkrýnd blóm, 'Album' hvít blóm.