Daphne mezereum

Ættkvísl

Nafn

mezereum

Íslenskt nafn

Ætt

Týsblómaætt (Thymelaeaceae).

Lífsform

Smávaxinn, lauffellandi runni

Kjörlendi

Sól til hálfskuggi

Blómalitur

Lilla-bleikur til fjólublárauður

Blómgunartími

Apríl-maí (rétt fyrir laufgun)

Hæð

0.6-1,2 m (-1.5 m)

Vaxtarhraði

Meðal

Vaxtarlag

Greinar fáar, oftast ekki greinóttar, vaxa um það bil jafnt upp frá stuttum stofni, sveigjanlegar, grábrúnar. Ungir sprotar oft dúnhærðir en verða hárlausir með aldrinum.

Lýsing

Lauf 3-8 sm, raðast í gorm á sprotanum, koma oftast að blómgun lokinni, legglaus eða með mjög stuttan legg, öfuglensulaga, endar snubbóttir eða yddir, laufin mjókka að grunni, dúnhærð og randhærð í fyrstu, verða hárlaus með aldrinum, mjúk grágræn einkum á neðra borði. Blómin legglaus, ilmandi í þéttblóma hliðaklösum, 2-4 saman á fyrra árs viði. Bikar lilla-bleikur til fjólublárauður, stöku sinnum hvítur. Pípan 5-6 mm, dúnhærð á ytra borði, flipar allt að 5 × 6 mm, egglaga, snubbóttir. Aldin skærrauð, koll-laga, á lauflausum, kjötkenndum, næstum hnöttóttum, mjög eitruðum hluta greinanna neðan við laufin. ATHUGIÐ: Allir hlutar plöntunnar eru mjög eitraðir. Ef safi plontunnar kemst í snertingu við húð getur hann valdið exemi hjá sumum.Líkar illa öll rótarröskun og það ætti að planta henni á framtíðarstaðinn eins fljótt og hægt er. Líkar heldur ekki að vera klippt og því ætti ekki að snyrta hana nema af brýnni nauðsyn.

Uppruni

Evrópa, Síbería (vex villt norður að 66°N í Noregi og SvíÞjóð).

Harka

4

Heimildir

= 1, http://www.pfaf.org

Fjölgun

Haustsáning, sumargræðlingar

Notkun/nytjar

Stakstæð, í framræst beð, í þyrpingar, í jaðra.Góð planta handa býflugum, sem framleiðir hunang mjög snemma árs. Blómin eru með ljúfan, sætan ilm. Það má fá grænbrúnan lit úr laufi, aldinum og berki.

Reynsla

Í Lystigarðinum eru til tvær plöntur komnar úr gróðrarstöð og gróðursettar 1979. einnig eru til þrjár plöntur sem voru gefnar í garðinn 1991 og gróðursettat í beð 1990 og 1991. Auk þess er til ein planta sem gróðursett var í beð 2000, sú er sjálfsáin í Lystigarðinum. Allar þrífast vel. Harðgerð tegund og hefur verið lengi í ræktun í Lystigarðinum, blómgast og þroskar aldin árlega, sáir sér.

Yrki og undirteg.

Daphne mezereum f. alba (West) Schelle - er í sáningu.Daphne mezereum 'Bowle's White' er ræktunarafbrigði með hvítum blómum (ekki í Lystigarðinum).