Echinops ritro

Ættkvísl

Nafn

ritro

Íslenskt nafn

Ætt

Körfublómaætt (Asteraceae).

Lífsform

Fjölær jurt.

Kjörlendi

Sól.

Blómalitur

Stálblár.

Blómgunartími

September.

Hæð

50-70 sm

Vaxtarlag

Fjölær jurt, 20-60 sm hár, stönglar oftast greinóttir, næstum hárlausir eða hvítlóhærðir oft með kirtilhár.

Lýsing

Lauf hárlaus, kirtilhærð, með fáein bein hár eða ögn skúmhærð ofan, hvítlóhærð neðan, oddbaugótt, 1-2 fjaðurflipótt, flipar meira en 4 mm við grunninn, bandlaga-þríhyrnd, jaðar niðursveigður, með þyrna allt að 15 mm. Körfur 3,5-4,5 sm í þvermál, blá, reifar 12-17 mm, ytri þornhár ögn styttri en ytri reifablöð, 1/3 til 1/2 af lengd reifanna.Reifablöð 20-22, langydd, randhærð, ytri reifablöð lensulaga, smáblómin blá, sjaldan hvít. Þornhár svifhárakransanna samvaxin við að minnsta kosti hálfan grunninn.

Uppruni

M & A Evrópa til M Asíu.

Harka

3, H2

Heimildir

= 1,2

Fjölgun

Skipting, sáning.

Notkun/nytjar

Í skrautblómabeð, í þyrpingar, í þurrblómaskreytingar.

Reynsla

Harðgerð og auðræktuð tegund sem hefur verið lengi í ræktun hérlendis.

Yrki og undirteg.

'Veitchs Blue' er sögð mjög góð sort en hefur ekki verið reynd hérlendis svo vitað sé.'Taplow Blue'er í ræktun í Lystigarðinum og hefur staðið sig vel og blómgast í bestu árum.Echinops ritro ssp. ritroLauf 1-2 x fjaðurskipt, flipar meira en 4 mm á breidd við grunninn og má finna víðast hvar á útbreiðslusvæði tegundarinnar.Echinops ritro ssp. ruthenicus (Bieb.) Nyman (Syn. E. ritro ssp. tenuifolius, E. ruthenicus Bieb., E. virgatus Lam.). Er með tví-fjaðurskipt lauf, flipar ekki meira en 2 mm á breidd og er að finna frá Ítalíu og Austurríki og eitthvað austur á bóginn.