Erica spiculifolia

Ættkvísl

Nafn

spiculifolia

Íslenskt nafn

Ætt

Lyngætt (Ericaceae).

Samheiti

Bruckenthalia spiculifolia (Salisb.) Reichenb.

Lífsform

Lágvaxinn sígrænn runni

Kjörlendi

Sólríkur vaxtarstaður eða í hálfskugga

Blómalitur

Purpura til ljósbleikur

Blómgunartími

Síðsumars

Hæð

25 sm

Vaxtarlag

Lítill, sígrænn runni.

Lýsing

Lítill, sígrænn runni sem minnir á beitiling og/eða klukkulyng (Erica), myndar breiður. Stönglar uppréttir, um 25 sm háar, lítið greinóttar, en þéttur og breiðist fljótt út. Smágreinar dúnhærðar í fyrstu. Lauf 0,3-0,5 sm, gagnstæð en greinilega 4(-5) í hvirfingu, bandlaga, með þverstýfðan kirtilodd, jaðrar mjög innundnir, ögn randhærðir. Blómin eru þétt saman í stuttum, sívölum, uppréttum, endastæðum klösum, allt að 3 sm löngum. Blómleggir 2-3 mm langir, engin stoðblöð. Bikar 1,5 mm, bleikur, 4 flipar, breiðþríhyrndir, um það bil jafn langir og krónupípan. Króna 3 mm, breiðbjöllulaga, purpuralit til ljósbleik, flipar 4, egglaga, um það bil jafn langir og krónupípan. Fræflar 8, samvaxnir neðst og fastir við krónuna, frjóhnappar ekki með sepa, Eggleg hárlaust, stíll stendur út úr blóminu. Aldinið hálfhnöttótt hýði.

Uppruni

SA Evrópa, Litla Asía.

Harka

Z5

Heimildir

= 1, http://www.wildgingerfarm.com

Notkun/nytjar

Notuð í ker eða með smáplöntum í steinhæðir eða beðkanta.

Reynsla

Plöntunum var sáð í Lystigarðinum 1991 og allar gróðursettar í beð 2010. Yfirleitt ekkert kal gegnum árin, blómstrar árlega.