Gentiana occidentalis

Ættkvísl

Nafn

occidentalis

Íslenskt nafn

Ætt

Maríuvandarætt (Gentianaceae).

Lífsform

Fjölær jurt.

Kjörlendi

Hálfskuggi.

Blómalitur

Dökkblár.

Blómgunartími

Maí-júní.

Hæð

5-8 sm

Vaxtarlag

Fjölær jurt með blaðhvirfingar og langa jarðstöngla, sem geta orðið 20 sm langir, líka með renglur. Stönglarnir vaxa upp úr hvirfingarlaufunum. Laufin eru allt að 3,5 x 0,8 sm, hárlaus, legglaus, skærgræn, oddbaugótt til aflöng, hvassydd, lykja um grunninn.

Lýsing

Blómin eru stök, með legg og tvö gagnstæð stoðblöð sem líkjast stöngullaufinu. Bikarinn er keilulaga - pípulaga, hárlaus á yrta borði, með 5 þríhyrnda flipa, lensulaga, ydda, lengri en hálf bikarpípan og hver með lítinn flipa. Krónan er 4-5 sm, dökkblá, trektlaga með 5 baksveigða hvassa odda. Frjóþræðir eru 5, allt að 2,5 sm og bláir, festir við grunni krónupípunnar. Frjóhnappar eru gulir festir inn í 1 sm langa pípuna. Eggleg mjókkar upp og myndar stílinn, frænið er gaffalgreint. Aldinhýðið með allmörg oddvala fræ .

Uppruni

V Pýreneafjöll.

Heimildir

= www.plant-world-seeds.com/store/view-seed-item/2949, www.asturnatura.com/espicie/gentiana-occidentalis.html

Fjölgun

Sáning, skipting.

Notkun/nytjar

Í steinhæðir. Sjaldgæf og glæsileg planta með mörg, dökkblá blóm. Hún er endemísk/einlend og vex hátt í Pýreneafjöllum, í yfir 2300 m hæð. Greinist frá náskyldri tegund dvergvendi(G. acaulis) á því að klettavöndurinn er þéttvaxnari og með smærri lauf.

Reynsla

Þrífst vel í Grasagarði Reykjavíkur. Myndirnar eru teknar í Grasagarði Reykjavíkur.